«بيزنەستىڭ جول كارتاسى – 2025» باعدارلاماسىندا تىڭ جاڭالىقتار بولادى

5343
Adyrna.kz Telegram

بۇگىندە ەلىمىزدە كاسكەرلەردى قولداۋ باعىتىندا اۋقىمدى جۇمىستار اتقارىلىپ جاتىر. ماسەلەن كاسىپكەرلىكتى دامىتۋ باعىتىندا جەڭىلدەتىلگەن نەسيە بەرىلىپ، ىسكەر ازاماتتار،ا قولداۋ كورسەتىلۋدە. الداعى ۋاقىتتا «دامۋ» قورى كاسىپكەرلەردى سۋبسيديالاۋ بويىنشا ەلەكتروندى قۇجات اينالىمىنا كوشەتىن بولدى.

«دامۋ» قورىنىڭ وبلىستىق فيليالىنىڭ ديرەكتورى باقىتجان يساكوۆتىڭ ايتۋىنشا، «بيزنەستىڭ جول كارتاسى-2020» بيزنەستى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە سۋبسيديالاردى ۇسىنۋ وتە ماڭىزدى. سوندىقتان دا ول مەملەكەتتىك قىزمەتتى الۋ ءۇشىن «دامۋ» قورى، ەدب جانە كاسىپكەرلەر اراسىندا ءۇش جاقتى شارتقا قول قويۋ ەندى ەلەكتروندى فورماتقا كوشەتىنىن مالىمدەدى.

«سۋبسيديالاۋ شارتىنا ۇلتتىق كۋالاندىرۋشى ورتالىقتىڭ ەلەكتروندىق-تسيفرلىق قولتاڭباسى مەن ينتەرنەت بولعان جاعدايدا، ۋاقىتى مەن ورنالاسقان جەرىنە قاراماستان قول قويۋعا بولادى. وتكەن جىلعا دەيىن شارتتار بويىنشا بارلىق جۇمىستار ءداستۇرلى تۇردە قاعازدا جۇرگىزىلدى جانە قاعاز قۇجات اينالىمىنىڭ ءوزى ءبىرشاما سوزىلدى. اعىمداعى جىلدىڭ قىركۇيەك ايىنان باستاپ دامۋ قورى ەلەكتروندىق قۇجات اينالىمى پروتسەسىن ىسكە قوستى، ول ەلەكتروندىق-تسيفرلىق قولتاڭبا قۇرالدارىن پايدالانا وتىرىپ، سۋبسيديالاۋ شارتتارىنا ەلەكتروندىق تۇردە قول قويۋعا مۇمكىندىك بەرەدى.
قازىرگى ۋاقىتتا جامبىل وبلىسى بويىنشا سەگىز بانك سۋبسيديالاۋ شارتىنا ەلەكتروندى قول قويۋعا كوشتى. بۇگىنگى كۇنى قور 26 سۋبسيديالاۋ شارتىنا قول قويدى»، – دەيدى ول.

ءبىر سوزبەن ايتقاندا 2020 جىلدان باستاپ سۋبسيديالاۋ شارتىنا تولىق ەلەكتروندى قول قويۋعا كوشۋ جوسپارلانۋدا. سونداي-اق ول قر ۇكىمەتى «بيزنەستىڭ جول كارتاسى 2025» باعدارلاماسى قاراپ جاتقانىن، وسى جىلدىڭ سوڭىنا دەيىن بەكىتۋ جوسپارلانىپ وتىرعانىن تىلگە تيەك ەتتى.

«بيزنەستىڭ جول كارتاسى 2025» باعدارلاماسىنان كاسىپكەرلەردى قانداي جاڭالىقتار كۇتەدى. بىرىنشىدەن، اينالىم قاراجاتىن تولىقتىرۋعا ارنالعان كرەديتتەر مولشەرى 60-تان 360 ملن. تەڭگەگە دەيىن ۇلعايتىلادى.
سونداي-اق  جاس كاسىپكەرلەر ءۇشىن كرەديت كولەمى 20-دان 60 ملن. تەڭگەگە دەيىن ۇلعايتىلادى. بۇدان بولەك مەملەكەتتىك گرانتتار سوماسىن 3 ملن. تەڭگەدەن 5 ملن. تەڭگەگە دەيىن ۇلعايتىلىپ، كاسىپكەرلەردىڭ ەركىن جۇمىس جاساۋىنا مۇمكىندىك بەرىلەدى»، – دەيدى ول.

«ادىرنا»

ۇلتتىق پورتالى

پىكىرلەر