Búginde elimizde káskerlerdi qoldaý baǵytynda aýqymdy jumystar atqarylyp jatyr. Máselen kásipkerlikti damytý baǵytynda jeńildetilgen nesıe berilip, isker azamattar,a qoldaý kórsetilýde. Aldaǵy ýaqytta «Damý» qory kásipkerlerdi sýbsıdııalaý boıynsha elektrondy qujat aınalymyna kóshetin boldy.
«Damý» qorynyń oblystyq fılıalynyń dırektory Baqytjan Isakovtyń aıtýynsha, «Bıznestiń jol kartasy-2020» bıznesti qoldaý men damytýdyń memlekettik baǵdarlamasy sheńberinde sýbsıdııalardy usyný óte mańyzdy. Sondyqtan da ol memlekettik qyzmetti alý úshin «Damý» Qory, EDB jáne kásipkerler arasynda úsh jaqty shartqa qol qoıý endi elektrondy formatqa kóshetinin málimdedi.
«Sýbsıdııalaý shartyna Ulttyq kýálandyrýshy ortalyqtyń elektrondyq-ıfrlyq qoltańbasy men ınternet bolǵan jaǵdaıda, ýaqyty men ornalasqan jerine qaramastan qol qoıýǵa bolady. Ótken jylǵa deıin sharttar boıynsha barlyq jumystar dástúrli túrde qaǵazda júrgizildi jáne qaǵaz qujat aınalymynyń ózi birshama sozyldy. Aǵymdaǵy jyldyń qyrkúıek aıynan bastap Damý Qory elektrondyq qujat aınalymy proesin iske qosty, ol elektrondyq-ıfrlyq qoltańba quraldaryn paıdalana otyryp, sýbsıdııalaý sharttaryna elektrondyq túrde qol qoıýǵa múmkindik beredi.
Qazirgi ýaqytta Jambyl oblysy boıynsha segiz bank sýbsıdııalaý shartyna elektrondy qol qoıýǵa kóshti. Búgingi kúni Qor 26 sýbsıdııalaý shartyna qol qoıdy», – deıdi ol.
Bir sózben aıtqanda 2020 jyldan bastap sýbsıdııalaý shartyna tolyq elektrondy qol qoıýǵa kóshý josparlanýda. Sondaı-aq ol QR Úkimeti «Bıznestiń jol kartasy 2025» baǵdarlamasy qarap jatqanyn, osy jyldyń sońyna deıin bekitý josparlanyp otyrǵanyn tilge tıek etti.
«Bıznestiń jol kartasy 2025» baǵdarlamasynan kásipkerlerdi qandaı jańalyqtar kútedi. Birinshiden, aınalym qarajatyn tolyqtyrýǵa arnalǵan kredıtter mólsheri 60-tan 360 mln. teńgege deıin ulǵaıtylady.
Sondaı-aq jas kásipkerler úshin kredıt kólemi 20-dan 60 mln. teńgege deıin ulǵaıtylady. Budan bólek memlekettik granttar somasyn 3 mln. teńgeden 5 mln. teńgege deıin ulǵaıtylyp, kásipkerlerdiń erkin jumys jasaýyna múmkindik beriledi», – deıdi ol.
«ADYRNA»
ulttyq portaly
