مويىنقۇم اۋدانىنىڭ اۋىل شارۋاشىلىعى الدا تۇر (فوتورەپورتاج)

7967
Adyrna.kz Telegram

مويىنقۇم اۋدانى وبلىس ورتالىعىنان شالعايدا ورنالاسقان ايماق. اۋداندا نەگىزىگىنەن اۋىل شارۋاشىلىق سالاسى جاقسى دامىعان. ويتكەنى اۋداننىڭ جەرى مال جانە اۋىل شارۋاشىلىعىن دامىتۋعا قولايلى. سونداي-اق اۋداننىڭ ىسكەر ازاماتتارى ءسۇت ونىمدەرىن ءتيىمدى پايدالانىپ، ءارتۇرلى ونىمدەر ءوندىرىپ جاتىر. ءبىر سوزبەن ايتقاندا، اۋدان حالقى تىنىمسىز ەڭبەك ەتىپ، اۋداننىڭ الەۋمەتتىك جاعدايىن جاقسارتىپ جاتىر.

         

مويىنقۇم اۋدانىنىڭ ماقتانىشى اقباقاي التىن كەن ورنى وبلىستا ەمەس، رەسپۋبليكادا تانىمال. اتالعان كەن ورنى بۇگىندە يندۋستريالدى-يننوۆاتسيالىق جوبا شەڭبەرىندە جۇمىس ىستەيدى.

       

جوبانى قۇنى 8 ملرد  250 ملن تەڭگە بولاتىن «حانتاۋ» تسەمەنت زاۋىتىنىڭ قۇرىلىسى 2010 جىلى باستالعان بولاتىن. بۇدان بولەك زاۋىتقا دەيىن تەمىرجول تارماقتارىن سالۋ ءۇشىن بيزنەستىڭ جول كارتاسى باعدارلاماسى بويىنشا  تاعى دا 342 ملن تەڭگە  بولىنگەن. قازىرگى تاڭدا «حانتاۋ» تسەمەنت زاۋىتى تابىستى ەڭبەك ەتۋدە.

            

جوبانىڭ قۇنى 600 ميلليون تەڭگە بولاتىن مىڭارال بالىق زاۋىتى رەسەي مەن گەرمانياعا ءوز ونىمدەرىن جونەلتىلتىپ جاتىر. زاۋىت  جىلىنا 1 500 توننا بالىق وڭدەپ شىعارۋعا قاۋقارلى.

        

كەڭەس اۋىلدىق وكرۋگىنە قاراستى ايدارلى اۋىلىنا «اق وتاۋ» شارۋا قوجالىعى ءتورت تۇلىك مال باعىپ وتىر. شارۋاشىلىق يەلەرى اۋداننىڭ يندۋستريالدى ايماعىنداعى كاسىپورىندارمەن كەلىسىمشارت جاساسىپ، ەت وتكىزۋدى جۇمىسىن دا باستاپ كەتكەن.

جامبىل اۋىلىندا "عازيز" جەكە كاسىپكەرلىگى ءسۇت ونىمدەرىن دايىنداۋ تسەحىن اشىپ، ءتورت ءتۇرلى ءونىم شىعارۋمەن اينالىسىپ كەلەدى. "بيزنەستىڭ جول كارتاسى-2020" باعدارلاماسىمەن گرانت ۇتىپ الىپ، ءوز كاسىبىن دوڭگەلەتىپ وتىرعان عازيز ەسىمدى كاسىپكەر الداعى ۋاقىتتا كاسىبىنىڭ كوكجيەگىن كەڭەيتۋدى كوزدەپ وتىر.

       

نازار الدامجارۇلى "باستاۋ بيزنەس" جوباسى اياسىندا قايتارىمسىز 505 مىڭ تەڭگە قارجى الىپ، قۇس شارۋاشىلىعىن دامىتىپ وتىر. ونىڭ ايتۋىنشا، كۇركە تاۋىقتىڭ كۇتىمى كۇردەلى بولعانىمەن قوماقتى تابىس تابۋعا بولادى.

«ادىرنا»

ۇلتتىق پورتالى

پىكىرلەر