"اناليتيك" ساراپتاۋ جانە تالداۋ ورتالىعىنىڭ ماماندارىنىڭ پايىمداۋىنشا، دوللار قىمباتتاپ، تەڭگەنىڭ قۇنى تومەندەگەلى ەلىمىزدە قىمباتشىلىق ءورشىپ تۇر. ءبىر عانا الماتىدا قازان ايىنان باستاپ ازىق-تۇلىكتىڭ باعاسىنا اپتا سايىن 20-30 تەڭگە قوسىلىپ كەتكەن.
«وسىدان ءبىر اپتا بۇرىن 220 تەڭگەگە ءسۇت الساڭىز، قازىر تۋرا سول ءسۇتتىڭ باعاسى 250 تەڭگە بولىپ وتىر. قالادا ازىق-تۇلىك ونىمدەرى، قازان ايىنان باستاپ اپتاسىنا 20-30 تەڭگەگە قىمباتتايدى. مۇنداي ءۇردىس باسقا تۇتىنۋ ونىمدەرىنە دە قاتىستى دا قالىپتاسقان. قالادا 2 ملن حالىق بار. ولاردىڭ تۇتىنۋ شىعىنى 2018 جىلمەن سالىستىرعاندا (7,9 %) 2019 جىلدىڭ سوڭعى التى ايىندا 9,1%-كە وسكەن. بيىل قالا حالقىنىڭ جارتى جىلدىق تۇتىنۋ شىعىنى 123 مىڭ 338 تەڭگەنى قۇرايتىن ورتاشا رەپۋبليكالىق دەڭگەيدەن 1,5 ەسە كوپ»،- دەيدى «اناليتيك» ساراپتاۋ ورتالىعىنىڭ مامانى توعجان شاياحمەتوۆا. بۇعان قوسا مامان الداعى ۋاقىتتا دا قىمباتشىلىقتىڭ ورىن الماۋىنا ەشكىم كەپىلدىك بەرە المايتىنىن العا تارتتى.
«قالا ءوزىن ء–وزى تولىقتاي ازىق-تۇلىكپەن قامتۋعا ءالى جەتكەن جوق. مەگاپوليۋستەگى ءونىم وندىرەتىن كاسىپورىندار بار، قالانىڭ ماڭىنداعى اۋدانداردان كەلەتىن ازىق-تۇلىك ونىمدەرى بار وسى ەكى تاراپ قوسىلىپ قالانى 60 پايىز وتاندىق ونىممەن قامتي الادى. ال قالعان 40 پايىز ءونىم سىرتتان اكەلىندى. قازىر يمپورت ءونىمدى ەلگە اكەلگەندە تولەنەتىن كەدەندىك باج سالىعى، كەدەندىك اكەتىلىم سالىعى، كەدەن اۋماعىندا تاۋاردى اكەلۋ كەزىندە قوسىلاتىن قۇن سالىعى، كەدەن اۋماعىنا تاۋاردى اكەلۋ كەزىندە تاۋاردى اكتسيزدەۋ بارلىعىنا تولەماقى الىندانى. وسىنىڭ بارلىعىنىڭ شىعىنىن يمپورت تاسىمالداۋشىلار ءونىمنىڭ باعاسىنان شىعارىپ العىسى كەلەدى. وسىدان بارىپ، قىتايدان 80 تەنگەگە الىنعان اناناس قازاقستانعا كەلگەندە 800 تەڭگە بولىپ شىعا كەلەدى. دوللار وسكەن سايىن قىمباتشىلىق بولا بەرەتىنىنىڭ ءبىر سەبەبى وسى. سوندىقتان كەلەشەكتە يمپورتتار تاسقىنى ينفلياتسيانى وسىرە تۇسەدى»،-دەدى ساراپشى توعجان شاياحمەتوۆا.
قارلىعاش زارىقحانقىزى،
«ادىرنا» ۇلتتىق پورتالى
