Azyq-túlik apta saıyn qymbattap jatyr

3766
Adyrna.kz Telegram

"Analıtık" saraptaý jáne taldaý ortalyǵynyń mamandarynyń paıymdaýynsha,  dollar qymbattap, teńgeniń quny tómendegeli elimizde qymbatshylyq órship tur. Bir ǵana Almatyda qazan aıynan bastap azyq-túliktiń baǵasyna apta saıyn 20-30 teńge qosylyp ketken.

«Osydan bir apta buryn 220 teńgege sút alsańyz, qazir týra sol súttiń baǵasy 250 teńge bolyp otyr. Qalada azyq-túlik ónimderi, qazan aıynan bastap  aptasyna 20-30  teńgege qymbattaıdy. Mundaı úrdis basqa tutyný ónimderine de qatysty da qalyptasqan. Qalada 2 mln halyq bar. Olardyń tutyný shyǵyny 2018 jylmen salystyrǵanda (7,9 %) 2019 jyldyń sońǵy alty aıynda 9,1%-ke ósken. Bıyl qala halqynyń jarty jyldyq tutyný shyǵyny 123 myń 338 teńgeni quraıtyn ortasha repýblıkalyq deńgeıden 1,5 ese kóp»,- deıdi «Analıtık» saraptaý ortalyǵynyń mamany Toǵjan Shaıahmetova. Buǵan qosa maman aldaǵy ýaqytta da qymbatshylyqtyń oryn almaýyna eshkim kepildik bere almaıtynyn alǵa tartty.

«Qala ózin –ózi tolyqtaı azyq-túlikpen qamtýǵa áli jetken joq. Megapolıýstegi ónim óndiretin kásiporyndar bar, qalanyń mańyndaǵy aýdandardan keletin azyq-túlik ónimderi bar osy eki tarap qosylyp qalany 60 paıyz otandyq ónimmen qamtı alady. Al qalǵan 40 paıyz ónim syrttan ákelindi. Qazir ımport ónimdi elge ákelgende tólenetin kedendik baj salyǵy, kedendik áketilim salyǵy, keden aýmaǵynda taýardy ákelý kezinde qosylatyn qun salyǵy, keden aýmaǵyna taýardy ákelý kezinde taýardy akızdeý barlyǵyna tólemaqy alyndany. Osynyń barlyǵynyń shyǵynyn ımport tasymaldaýshylar ónimniń baǵasynan shyǵaryp alǵysy keledi. Osydan baryp, Qytaıdan 80 tengege alynǵan ananas Qazaqstanǵa kelgende 800 teńge bolyp shyǵa keledi. Dollar ósken saıyn qymbatshylyq bola beretininiń bir sebebi osy. Sondyqtan keleshekte ımporttar tasqyny ınflıaııany ósire túsedi»,-dedi sarapshy Toǵjan Shaıahmetova.

Qarlyǵash ZARYQHANQYZY, 

«Adyrna» ulttyq portaly

Pikirler