بۇگىن ەلوردامىزداعى ء"الجان انا" مەشىتىندە ساداقا قابىلداۋعا ارنالعان QIWI ەلەكتروندىق تەرمينالىنىڭ تۇساۋكەسەرى ءوتتى. ادامداردى ساۋاپتى ىسكە، ىزگىلىككە شاقىراتىن بۇل ءىس-شاراعا قر اقپارات جانە قوعامدىق دامۋ ءمينيسترى داۋرەن اباەۆ جانە قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي سەرىكباي قاجى وراز جانە مەشىت يمامدارى ارنايى كەلىپ قاتىستى.
باس ءمۇفتي سەرىكباي قاجى وراز ەلىمىزدىڭ بارلىق مەشىتتەرىندە وسىنداي يگى باستاما كوتەرىلىپ جاتقانىنا باسا نازار اۋداردى. بۇل جۇرتتان ساداقا ارقىلى تۇسەتىن قارجىلىق اشىقتىقتى قالىپتاستىرۋ ماقساتىندا ورناتىلىپ وتىرعانىن ايتتى.
"بۇگىن ءدىني باسقارماعا قاراستى ەلىمىزدىڭ بارلىق مەشىتىندە وتە كەرەمەت يگى باستامانى كوتەرىپ وتىرمىز. ول بىرىنشىدەن قارجىلىق اشىقتىقتى قالىپتاستىرۋ ماقساتىندا. ەكىنشىدەن، بۇگىنگى قولما-قول قارجىدان ارىلىپ جانە ءوزىمىزدىڭ ەسەپ-قيساپتى جەڭىلدەتىپ جۇرگىزۋ ءۇشىن جاڭا زاماناۋي ساداقا تەرمينالدارى ورناتىلۋدا. جالپى الەمدەگى كوپتەگەن مۇسىلمان ەلىندە دە زامان تالابىنا ساي وسىنداي تەرمينالدار قويىلعان. بۇل مەشىتكە كەلۋشىلەردىڭ مادەنيەتىنىڭ قالىپتاسۋىنا زور ۇلەسىن قوسادى، - دەدى باس ءمۇفتي سەرىكباي قاجى وراز.
مۇنداي تەرمينالدار بولاشاقتا ەلىمىزدىڭ وبلىس ورتالىقتارى مەن رەسپۋبليكانىڭ بارلىق ءىرى قالاسىنداعى مەشىتتەرىندە ورناتىلاتىن بولادى. قازىر سوعان جۇمىستار جۇرگىزىلۋدە.
بۇل يگى باستاما قمدب-نىڭ بەدەلىن ارتتىرىپ، حالىقتىڭ ءدىني ۇيىمعا دەگەن سەنىمىن نىعايتادى.
مينيستر مەن باس ءمۇفتي ء"الجان انا" مەشىتىندە استانالىق يمامدارىمەن كەزدەسىپ، ولاردىڭ اعارتۋشىلىق قىزمەتىنە قاتىستى ماسەلەلەردى تالقىلادى.
"ادىرنا" ۇلتتىق پورتالى
فوتو اۆتورى inform.kz
