Búgin elordamyzdaǵy "Áljan Ana" meshitinde sadaqa qabyldaýǵa arnalǵan QIWI elektrondyq termınalynyń tusaýkeseri ótti. Adamdardy saýapty iske, izgilikke shaqyratyn bul is-sharaǵa QR aqparat jáne qoǵamdyq damý mınıstri Dáýren Abaev jáne Qazaqstan Musylmandary Dinı basqarmasynyń tóraǵasy, bas múftı Serikbaı qajy Oraz jáne meshit ımamdary arnaıy kelip qatysty.
Bas múftı Serikbaı qajy Oraz elimizdiń barlyq meshitterinde osyndaı ıgi bastama kóterilip jatqanyna basa nazar aýdardy. Bul jurttan sadaqa arqyly túsetin qarjylyq ashyqtyqty qalyptastyrý maqsatynda ornatylyp otyrǵanyn aıtty.
"Búgin Dinı basqarmaǵa qarasty elimizdiń barlyq meshitinde óte keremet ıgi bastamany kóterip otyrmyz. Ol birinshiden qarjylyq ashyqtyqty qalyptastyrý maqsatynda. Ekinshiden, búgingi qolma-qol qarjydan arylyp jáne ózimizdiń esep-qısapty jeńildetip júrgizý úshin jańa zamanaýı sadaqa termınaldary ornatylýda. Jalpy álemdegi kóptegen musylman elinde de zaman talabyna saı osyndaı termınaldar qoıylǵan. Bul meshitke kelýshilerdiń mádenıetiniń qalyptasýyna zor úlesin qosady, - dedi bas múftı Serikbaı qajy Oraz.
Mundaı termınaldar bolashaqta elimizdiń oblys ortalyqtary men respýblıkanyń barlyq iri qalasyndaǵy meshitterinde ornatylatyn bolady. Qazir soǵan jumystar júrgizilýde.
Bul ıgi bastama QMDB-nyń bedelin arttyryp, halyqtyń dinı uıymǵa degen senimin nyǵaıtady.
Mınıstr men Bas Múftı "Áljan Ana" meshitinde astanalyq ımamdarymen kezdesip, olardyń aǵartýshylyq qyzmetine qatysty máselelerdi talqylady.
"Adyrna" ulttyq portaly
Foto avtory inform.kz
