2019 جىلى 8 قاراشادا قر يندۋستريا جانە ينفراقۇرىلىمدىق دامۋ مينيسترلىگىنىڭ عيماراتىندا "تەحنيكالىق بايقاۋ ستانتسيالارىندا ورناتىلعان باعدارلامالىق قامتاماسىز ەتۋدى جەتىلدىرۋ" تاقىرىبىندا بريفينگ ءوتتى.
ءىس-شاراعا قر يدم كولىك كوميتەتى توراعاسىنىڭ ورىنباسارى دانيار قوسپاباەۆ، "ۇات" اق باسقارما توراعاسىنىڭ ورىنباسارى داۋلەت بەكمانوۆ، «ۇات» اق ينتەگراتسيالىق شەشىمدەر باسقارماسىنىڭ باسشىسى اليا احمەتجانوۆا قاتىستى.
2012 جىلى مىندەتتى تەحنيكالىق بايقاۋدى باسەكەلەستىك ورتاعا بەرگەن ساتتەن باستاپ (مىندەتتى تەحنيكالىق بايقاۋدى ۇيىمداستىرۋ جانە وتكىزۋ ءتارتىبىنىڭ ساقتالۋىنا مەملەكەتتىك باقىلاۋدى جۇزەگە اسىرۋ قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىمەن بەكىتىلگەن) بۇگىنگى كۇنگە دەيىن تەحنيكالىق جاي – كۇيى بويىنشا تەحنيكالىق بايقاۋدان وتپەگەن كولىك قۇرالدارىنىڭ پايىزى تومەندەيدى (2012 جىلدان باستاپ وتپەگەن كولىك قۇرالدارىنىڭ پايىزى 13% - دى، ال 2019 جىلى-5% - دى قۇرادى). بۇگىنگى كۇنى كولىك قۇرالدارىن تەحنيكالىق بايقاۋدان وتكىزۋدى ءوز قۇرامىندا 1500-دەن استام تەحنيكالىق بايقاۋ ورتالىعى بار 600-دەن استام وپەراتور جۇزەگە اسىرادى.
وتپەگەن كولىك قۇرالدارى سانىنىڭ تومەندەۋىنە ءبىرىنشى كەزەكتە تەحنيكالىق بايقاۋ ورتالىقتارىن اشۋ ءراسىمىن وڭايلاتۋ (تبو اشۋ ءۇشىن قۇجاتتار پاكەتىن قىسقارتۋ), ەكىنشىدەن، شاعىن جانە ورتا بيزنەسكە قاتىستى باقىلاۋ-قاداعالاۋ ءىس-شارالارى بولىگىندە جەڭىلدىك (حابارلاما تارتىبىنە كوشىرۋ، تىزىلىمگە ەنگىزىلگەننەن كەيىن تبو تەكسەرۋ جۇرگىزۋ ءۇشىن نەگىزدەردى الىپ تاستاۋ) اسەر ەتتى، بۇل ناتيجەسىندە تەحنيكالىق بايقاۋ سالاسىنداعى ورەسكەل بۇزۋشىلىقتارعا ("قولمەن ەنگىزۋ", "فوتوشوپ", كولىك قۇرالىن ۇسىنباي تەحنيكالىق بايقاۋدى وتكىزۋ، جالعان دياگنوستيكالىق كارتالاردى ساتۋ) اكەلدى.
جوعارىدا كورسەتىلگەن فاكتورلارعا بايلانىستى تەحنيكالىق بايقاۋدى وتكىزۋ بويىنشا الاياقتىق سحەمالاردىڭ جاڭا تۇرلەرى، سونداي-اق ولاردى قازاقستان رەسپۋبليكاسىنىڭ مەملەكەتتىك ستاندارتتارىنا جانە نقا تالاپتارىنا سايكەس كەلمەيتىن جەرلەردە وتكىزبەستەن وتكىزۋ پايدا بولدى.
تەك سوڭعى جارتى جىل ىشىندە اۋماقتىق كولىكتىك باقىلاۋ ورگاندارى جاساندى دياگنوستيكالىق كارتالاردى انىقتاۋ بويىنشا 150-دەن استام رەيدتىك ءىس-شارالار وتكىزدى، ولاردىڭ ناتيجەلەرى بويىنشا دياگنوستيكالىق كارتالاردى قولدان جاساۋدىڭ 84 فاكتىسى انىقتالدى، تەحنيكالىق بايقاۋ وپەراتورلارىنا قاتىستى 26 اكىمشىلىك ماتەريال جاسالدى جانە قۇجاتتاردى قولدان جاساۋ جانە الاياقتىق فاكتىلەرى بويىنشا 2 قىلمىستىق ءىس قوزعالدى.
وسىنداي الاياقتىق تۇرلەرىنىڭ قىزمەتى تەحنيكالىق بايقاۋ ناتيجەلەرىنە تۇزەتۋلەر ەنگىزۋ جانە ونى كولىك قۇرالىن ناقتى ۇسىنباي جۇرگىزۋ تۇرىندە جۇزەگە اسىرىلادى.
تەحنيكالىق بايقاۋ سالاسىنداعى جوعارىدا كورسەتىلگەن بارلىق بۇزۋشىلىقتار مۇددەلى مەملەكەتتىك ورگاندارمەن جانە بيزنەس وكىلدەرىمەن تالقىلاندى، سونىڭ ناتيجەسىندە تەحنيكالىق بايقاۋ سالاسىنداعى قاۋىمداستىقتارمەن جانە جوعارىدا كورسەتىلگەن وكىلدەرمەن كەلىسە وتىرىپ، مينيسترلىك "جول ءجۇرىسى تۋرالى" قر زاڭىنا جانە مىندەتتى تەحنيكالىق بايقاۋدى ۇيىمداستىرۋ جانە وتكىزۋ ەرەجەسىنە وزگەرىستەر ەنگىزدى. سونداي-اق، قازاقستان رەسپۋبليكاسىنىڭ ۇكىمەتى "ۇات"اق تۇلعاسىنداعى بىرىڭعاي اقپاراتتىق جۇيەنىڭ وپەراتورى بولىپ بەلگىلەندى.
جوعارىدا كورسەتىلگەن الاياقتىق ارەكەتتەردى بولدىرماۋ بولىگىندە "ۇات" اق-نى "تەحنيكالىق بايقاۋ" بىرىڭعاي اقپاراتتىق جۇيەسىنىڭ وپەراتورى رەتىندە انىقتاعاننان كەيىن تەحنيكالىق بايقاۋ ناتيجەلەرىن بەرۋدى جۇزەگە اسىراتىن باعدارلامالىق قامتاماسىز ەتۋدى تەكسەرۋ باستالدى. الايدا، بەس باعدارلامالىق قامتاماسىز ەتۋدىڭ ەكەۋى سايكەس كەلمەگەندىكتەن، "ۇات" اق بەلگىلەنگەن تالاپتارعا سايكەس كەلمەيتىن باعدارلامالىق قامتاماسىز ەتۋ ارقىلى دەرەكتەردى بەرۋدى جۇزەگە اسىراتىن تەحنيكالىق بايقاۋ ورتالىقتارىنان دەرەكتەردى قابىلداۋ توقتاتىلدى، ال بۇل 160 تەحنيكالىق بايقاۋ ورتالىعى.
بۇگىنگى كۇنى مينيسترلىك باعدارلامالىق قامتاماسىز ەتۋدى ازىرلەۋشىلەرمەن بىرلەسىپ (بەلگىلەنگەن تالاپتارعا سايكەس كەلمەيتىن) مەملەكەتتىك تىركەۋ نومىرلىك بەلگىسىن تانۋ بولىگىندە باعدارلامالىق قامتاماسىز ەتۋدى پىسىقتاۋ بويىنشا جۇمىس جۇرگىزۋدە.
قر يدم كولىك كوميتەتىنىڭ ءباسپاسوز قىزمەتى
