مەملەكەت قاراجاتىن وفشورعا اۋدارعان توپتىڭ ءىسى نەگە جابىلدى

3393
Adyrna.kz Telegram
سۋرەت : ua.news
حات يەسى وسى دەرەكتەرگە ءادىل تەكسەرۋ جۇرگىزۋ قاجەت دەپ سانايدى.
2019 جىلدىڭ 31 قازانىندا ازامات جولىمبەت ماكىشەۆتەن ءوتىنىش حات الدىم، دەيدى جەلىدە زاۋرەش باتتالوۆا.

زاۋرەش باتتالوۆا ءوز پوستىندا "قر سىبايلاس جەمقورلىققا قارسى ءىس-قيمىل اگەنتتىگى مونيتورينگ قىزمەتىنىڭ مۇشەسى رەتىندە بيۋدجەت قاراجاتىن جىمقىرۋعا قاتىستى مىنا ءىستى باقىلاۋعا الىپ، ونىڭ اشىلۋىنا جان-جاقتى ىقپال ەتۋىڭىزدى سۇرايمىن" دەگەن حات يەسى مىناداي دەرەكتەردى كەلتىرەدى دەيدى:

"Greentel Central Asia" كومپانياسى (ديرەكتورى شەۆتسوۆ نيكولاي ميحايلوۆيچ) اسا ءىرى كولەمدەگى قاراجاتتى وفشورعا اۋدارىپ جىبەرگەن. وسى ءىس بويىنشا كوپ ايدان بەرى تەكسەرۋ ءجۇرىپ جاتسا دا، مەنى تەكسەرۋ ناتيجەلەرى الاڭداتىپ وتىر. مەنىڭ دەرەكتەرىمە ساي، الماتى سالىق كوميتەتىنىڭ "مارلەن" ەسىمدى بۇرىنعى قىزمەتكەرى المالى اۋداندىق سالىق كوميتەتىن تەكسەرۋگە كەدەرگى جاساعان. اقىرى ءىس جابىلعان. مەملەكەتكە اسا ءىرى ماتەريالدىق شىعىن كەلتىرگەن بۇل ءىستىڭ جابىلۋىنا باسقا دا شەنەۋنىكتەردىڭ قاتىسى بار.
"Greentel Central Asia" جشس-ءى 2015 - 2018 جىلدار ارالىعىندا بەلسەندى بولعان. سول كەزەڭدە سالدۋزي ە.ە. مىرزا ەلدەن وفشور ايماقتارىنا (بريتانيالىق ۆيرگين ارالدارى (BVI), كيپر، لاتۆيا، گيبرالتار، مالتا، ليحتەنشتەين، ەستونيا، دۋباي) 40 ملرد تەڭگەدەن استام بيۋدجەت قاراجاتىن اۋدارىپ جىبەرگەن. مۇنى "ۆيالۆين", "Led Technology", "Tulpar Construction", "Globex.kz", "United Paints Industries" جانە ت.ب. "بىركۇندىك كومپانيالار " كومپانيالار ارقىلى جاساعان. ول كومپانيالاردىڭ كەيبىرەۋى بۇگىندە جوق، جابىلىپ قالعان. "Greentel Central Asia" جشس-ءى نەگىزگى وپەراتسيالاردى "بانك تسەنتركرەديت" اق، "Qazaq Banki" اق جانە "Bank RBK" اق-دا اشىلعان شوتتار ارقىلى جۇرگىزگەن".

حات يەسى وسى دەرەكتەرگە ءادىل تەكسەرۋ جۇرگىزۋ قاجەت دەپ سانايدى.

zakon.kz

پىكىرلەر