ءمولدىر اۋەلبەكوۆا كوروناۆيرۋس جۇقتىرىپ، اۋرۋحانا جاتقانىن مالىمدەدى، دەپ حابارلايدى “ادىرنا” ۇلتتىق پورتالى.
ءانشى بۇل تۋرالى ءوز ينستاگرام پاراقشاسىندا جاريالاپ جازبا قالدىرعان ەدى.
“ بۇل جاعىمسىز جاڭالىعىممەن بولىسكىم كەلمەپ ەدى… بىراق مىنا جاقتاعى كورىنىستى كوزبەن كورىپ، ءوز باسىمنان ءوتىپ جاتقان سوڭ، سىزدەرگە ءوتىنىش ءبىلدىرۋ ماقساتىندا ءبولىسۋدى ۇيعاردىم.
بىرنەشە ۋاقىتتان بەرى ءبىز (ىشىندەگى بالاسى) COVID-19 – بەن اۋرۋحانادا جاتىرمىز. دەر كەزىندە بۇيىرعان ەمدى قابىلداپ قازىرگى ءحالىمىز اللانىڭ قالاۋىمەن جامان ەمەس، شۇكىر. سىزدەرگە ءوتىنىش، ساقتانىپ جۇرىڭىزدەرشى! COVID ءورشىپ تۇر. قاجەتسىز جيىندار، توي مەن وتىرىستان باس تارتىڭىزدارشى. بەتپەردە شەشپەي كيىپ جۇرىڭىزدەرشى! ۇيدەگى ءالسىز قارتتارىمىز ءۇشىن، كىشكەنتاي بالا-شاعامىز ءۇشىن جانە مەن سياقتى يممۋنيتەتى تومەن اياعى اۋىر كەلىنشەكتەر ءۇشىن بۇل وتە ماڭىزدى. اللا جۇرتىمىزدىڭ اماندىعىن بەرسىن! سىرقاتتارعا شيپاسى مەن جەڭىلدىگىن بەرسىن! ساق بولايىق! امان بولايىق! ساۋ بولايىق! ءامين! ” – دەپ جازبا قالدىردى.
