اقش پرەزيدەنتى ترامپتىڭ اكىمشىلىگى رەسەيگە قارسى سانكتسيالاردى جەڭىلدەتۋ ءۇشىن سەناتقا قىسىم كورسەتىپ جاتىر دەگەن اقپارات تارادى، دەپ حابارلايدى “ادىرنا” ۇلتتىق پورتالى.
بۇل تۋرالى The Wall Street Journal 6 ماۋسىم كۇنى حابارلادى.
باسىلىم مالىمەتىنشە، ترامپ كومانداسى رەسپۋبليكالىق پارتيا سەناتورى ليندسي گرەمنىڭ كەڭسەسىمەن بايلانىسىپ، ونىڭ سانكتسيالار تۋرالى زاڭ جوباسىن وزگەرتۋدى تالاپ ەتكەن. ۇسىنىلعان وزگەرىستەرگە سايكەس، زاڭ جوباسىنا ارنايى ەرەكشەلىكتەر ەنگىزىلىپ، سانكتسيا سالۋ قۇقىعى مىندەتتى ەمەس، ەرىكتى تۇردە بەلگىلەنبەك. بۇل — “shall” (مىندەتتى) ءسوزىن “may” (مۇمكىن) سوزىنە اۋىستىرۋ ارقىلى ىسكە اسپاق.
“بۇل وزگەرىس زاڭ جوباسىنىڭ قاتاڭ سيپاتىن جويادى”، – دەيدى كونگرەسس وكىلدەرى.
گرەم ۇسىنعان زاڭ جوباسى رەسەيدىڭ نەگىزگى شەنەۋنىكتەرىنە، ەكونوميكالىق سەكتورلارىنا جانە ماسكەۋمەن بيزنەس جۇرگىزەتىن ەلدەرگە قارسى سانكتسيا سالۋدى كوزدەيدى. الايدا، ترامپ اكىمشىلىگى بۇل باستامانىڭ تىم قاتاڭ ەكەنىن ايتىپ، ونى شەكتەۋلى ەتۋگە تىرىسۋدا.
سونىمەن قاتار، زاڭ جوباسىنىڭ دەموكراتيالىق پارتيا وكىلى، سەناتور ريچارد بليۋمەنتال كەيبىر وزگەرىستەر ەنگىزۋگە دايىن ەكەنىن ءبىلدىردى.
ايتا كەتەيىك، ترامپ 5 ماۋسىم كۇنى ۋكرايناداعى جاعداي بويىنشا كەلىسىمگە قول جەتكىزىلمەسە، سانكتسيالاردى كۇشەيتۋگە دايىن ەكەنىن مالىمدەگەن ەدى.
ۇقساس جاڭالىقتار
