لوندوندا قازاقستاننىڭ حالىق ءارتىسى ديماش قۇدايبەرگەنمەن كەزدەسۋگە قاتىسۋ ءۇشىن ۇزىن-سونار كەزەككە تۇردى، دەپ حابارلايدى “ادىرنا” ۇلتتىق پورتالى “قازاقپارات” اگەنتتىگىنە سىلتەپ.
كەزدەسۋ Hilton London Wembley قوناقۇيىنىڭ Grand Ballroom زالىندا وتۋدە. تانىمال ءانشى بۇعان دەيىن، 3 ماۋسىم كۇنى، ۇلىبريتانياداعى ەڭ ءىرى ارەنالاردىڭ ءبىرى — OVO Arena Wembley ساحناسىندا وتكەن لارا فابياننىڭ كونتسەرتىندە ارنايى قوناق رەتىندە ونەر كورسەتكەن بولاتىن.
“ مەن ءومىر بويى ديماشتىڭ جانكۇيەرى بولىپ جۇرگەندەيمىن. مەن ونى شىن جۇرەگىممەن جاقسى كورەمىن. ول ءبىزدى جۇرەگىمەن دە، جانىمەن دە باۋراپ الادى. بۇل — الەمدەگى ەڭ ۇزدىك داۋىس يەسى ءارى الەمدى وزگەرتىپ جاتقان ادام. ءبىز وعان شەكسىز ريزامىز”، — دەدى كاليفورنيادان كەلگەن جانكۇيەر گلوريا ماكيۋن.
ديماشتىڭ ونەرىن سۇيەتىن جانكۇيەرلەر الەمنىڭ تۇكپىر-تۇكپىرىنەن لوندونعا ارنايى كەلگەن.
ۇقساس جاڭالىقتار
