قازاقستاننىڭ حالىق ءارتىسى ديماش قۇدايبەرگەن قازاق تازىسى مەن توبەتى كۇنىنە وراي تۇسىرىلگەن كادرلارمەن ءبولىستى، دەپ حابارلايدى «ادىرنا» ءتىلشىسى.
ونەر يەسى پرەزيدەنت قاسىم-جومارت توقاەۆتان سىيلىققا العان تازى يتىنە «عارىشكەر» دەپ ات قويعان.
ء«بىرىنشى سۋرەتتە - ءبارىمىز جاقسى كورەتىن تۇلپار اقجاننىڭ اكەسىمەن بىرگە تۇسكەن ءساتىم. مەملەكەت باسشىسىنىڭ تۇلپارىمەن سەرۋەندەپ قايتۋ مەن ءۇشىن ۇلكەن مارتەبە بولدى. ال ەكىنشى سۋرەتتە مەنىڭ قاسىمدا مەملەكەت باسشىسىنىڭ نەنسي جانە ناۋرىز اتتى تازىلارى. مەنىڭ تازىمەن ەرەكشە وقيعام بار. پرەزيدەنتىمىز قاسىم-جومارت كەمەلۇلى ماعان تازى سىيلاعان بولاتىن. مەن وعان عارىشكەر دەپ ات قويدىم»،–دەدى ول.
جازباسىنىڭ سوڭىندا ءانشى پرەزيدەنتتىك تەلەراديوكەشەنگە بىرەگەي كادرلار ءۇشىن العىس ءبىلدىردى.
ايتا كەتەيىك، بۇگىن، 3 قىركۇيەكتە العاش رەت قازاق تازىسى مەن توبەتى كۇنى اتاپ وتىلەدى.
