ۇلتتىق ەكونوميكا ءمينيسترى سەرىك جۇمانعارين شەگىرتكەگە قاتىستى جۋرناليستەرگە اشۋلاندى، دەپ حابارلايدى “ادىرنا” ۇلتتىق پورتالى Stan.kz-كە سىلتەپ.
جۇمانعارين بۇعان دەيىن شەگىرتكەنى «حالال ءونىم» دەپ اتاعان ەدى. الايدا ول جۋرناليستەردىڭ ساۋالىنا اشۋمەن جاۋاپ بەردى.
«مەن ونى جەۋ كەرەك دەدىم بە؟ مەن تەك “حالال ءونىم” دەدىم»، - دەدى مينيستر باق وكىلدەرىنە اشۋلانا جاۋاپ بەرىپ.
مينيستر شەگىرتكەلەردىڭ تابيعي ەكوجۇيەنىڭ ءبىر بولىگى ەكەنىن اتاپ ءوتتى. ونىڭ ايتۋىنشا، بۇل جاندىكتەرمەن كۇرەسۋ تولىعىمەن مۇمكىن ەمەس.
«قازىر ءبىز ونىڭ ەكىجىلدىق تسيكلىنىڭ اياعىندامىز. كەلەسى جىلى مۇنداي بەلسەندىلىك بولمايدى»، - دەپ ءتۇسىندىردى ول.
ۇقساس جاڭالىقتار
