شەندىلەر شەگىرتكەمەن كۇرەسۋ ءۇشىن ءتۇرلى وبلىستارعا باراتىن بولدى، دەپ حابارلايدى "ادىرنا" ۇلتتىق پورتالى.
ال اۋىل شارۋاشىلىعى ءمينيسترى ايداربەك ساپاروۆ تۇركىستان وبلىسىنا بارسا، ۆيتسە-مينيسترلەرى قوستاناي جانە اقتوبە وبلىستارىنا جۇمىس ساپارىمەن جونەلەتىنى بەلگىلى بولدى. ال شەگىرتكەنى "حالال" دەپ اتاعان ۆيتسە-پرەمەر جەتىسۋعا جۇمىس ساپارىمەن اتتاندى.
شتاب وتىرىسىنىڭ قورىتىندىسى بويىنشا، تۇركىستان وبلىسىنداعى جاعداي قيىن ەكەنى انىقتالدى. ايماقتاعى زيانكەستەر 60 مىڭ گەكتار القاپقا تارالىپ كەتكەن. سول سەبەپتى اۋىل شارۋاشىلىعى مينيسترلىگىنىڭ 46 قىزمەتكەرى ىسساپارمەن تۇركىستانعا اتتانعان.
«پرەمەر-ءمينيستردىڭ ورىنباسارى سەرىك جۇمانعارين ۇيىمداستىرۋ جۇمىستارىن جەدەل باسقارۋ ءۇشىن جەتىسۋ وبلىسىنا، اۋىل شارۋاشىلىعى ءمينيسترى ايداربەك ساپاروۆ تۇركىستان وبلىسىنا، اۋىل شارۋاشىلىعى ۆيتسە-مينيسترلەرى قوستاناي جانە اقتوبە وبلىستارىنا جۇمىس ساپارىمەن بارادى»، - دەپ حابارلادى ۇكىمەتتىڭ ءباسپاسوز قىزمەتى.
