Su resurstary jäne irrigasiia ministrlıgı Su resurstarynyŋ ūlttyq aqparattyq jüiesın äzırleudı jalǧastyryp jatyr. Bügıngı taŋda būl jüienıŋ tört modulı pilottyq rejimde sättı jūmys ıstep tūr. Olar: «Äkımşılık», «Su paidalanu», «Transşekaralyq su» jäne «Kartografiia» modulderı.
«Äkımşılık» modulı jüienı ortalyqtandyrylǧan basqaruǧa arnalǧan. Ol paidalanuşylardy basqaru, jüie mümkındıkterın baptau, qol jetkızu deŋgeiın baqylau jäne aqparattyq qauıpsızdıktı qamtamasyz etu sekıldı funksiialardy oryndaidy.
«Su paidalanu» modulı respublika boiynşa 86 su qoimasynan kün saiyn derekter jinap, olardy öŋdeidı. Būl su resurstarynyŋ jai-küiın jedel baqylauǧa jäne qajettı şeşımder qabyldauǧa mümkındık beredı.
«Transşekaralyq su» modulı Qazgidromettıŋ 43 gidrobeketınen derekter jinaidy jäne memleketaralyq kanaldardaǧy su şyǧyny jäne su qoimalarynyŋ jūmys rejimderı turaly öŋırlık közderden alynǧan aqparatpen tolyqtyrylady. Būl transşekaralyq özen basseinderındegı su resurstaryn keşendı türde basqaruǧa jol aşady.
«Kartografiia» modulı Esıl jäne Jaiyq-Kaspii basseinderındegı 250-den astam gidrotehnikalyq nysan, özen-kölder jäne 334 gidrobeket boiynşa mälımetterdı karta türınde körsetuge mümkındık beredı. Sondai-aq su şyǧynyn, temperaturany, jauyn-şaşyn men qardyŋ eruın qysqa merzımdı jäne ūzaq merzımdı boljau funksiialary ıske asyryldy.
«Su resurstarynyŋ ūlttyq aqparattyq jüiesın äzırleu Euraziialyq damu bankınıŋ granty esebınen jüzege asyrylady. Jüienıŋ engızıluı su teŋgerımın boljau däldıgın arttyruǧa, su resurstaryn tiımdı basqaruǧa, sondai-aq gidrotehnikalyq nysandar men irrigasiialyq infraqūrylymnyŋ jūmysyn jaqsartuǧa mümkındık beredı», - dedı SRİM Sifrlandyru departamentınıŋ direktory Meirgul Quandyqova.5509:00
Ūqsas jaŋalyqtar
