موڭعوليادا العاش رەت "التىن قايشى – 2025" اتتى قوي قىرقۋ بويىنشا حالىقارالىق بايقاۋ وتەدى, دەپ حابارلايدى “ادىرنا”.
ءىس-شارانىڭ نەگىزگى ماقساتى – مال شارۋاشىلىعى سالاسىنا وزىق ادىستەردى، جابدىقتار مەن تەحنولوگيالاردى ەنگىزۋ، سونداي-اق جانۋارلاردان الىناتىن شيكىزاتتىڭ ساپاسىن ارتتىرۋ. بايقاۋ 2025 جىلعى 20–21 ماۋسىم كۇندەرى موڭعوليا پرەزيدەنتى ۋحنااگين حۇرەلسۇحتىڭ قولداۋىمەن وتەدى.
حالىقارالىق قوي قىرقۋ بايقاۋى 1961 جىلدان بەرى ءتۇرلى ەلدەردە وتكىزىلىپ كەلەدى، ال العاشقى الەم چەمپيوناتى 1977 جىلى وتكەن. سودان بەرى بۇل جارىس ءار ەكى-ءۇش جىل سايىن ۇيىمداستىرىلىپ تۇرادى.
حالىقارالىق دەڭگەيدە بايقاۋ ەكى سانات بويىنشا وتەدى: “پرەسستەۋشى” جانە ء“جۇن سۇرىپتاۋشى”. موڭعوليادا كاسىبي قىرىقتىقشىنى دايارلاۋ 2022 جىلى باستالعان. قازىرگى تاڭدا بۇل سالادا 28 ادام كاسىبي بىلىكتىلىك العان.
