موڭعوليانىڭ بايان-ولگەي ايماعىندا قازاقستاننىڭ كونسۋلدىق مەكەمەسى اشىلماق، دەپ حابارلايدى "ادىرنا" ۇلتتىق پورتالى اقورداعا سىلتەپ.
بۇل شەشىم ەكى ەل باسشىلارىنىڭ كەزدەسۋىندە تالقىلاندى.
مەملەكەت باسشىسى قاسىم-جومارت توقاەۆ موڭعوليا پرەزيدەنتى ۋحنااگين حۋرەلسۇحپەن جۇرگىزىلگەن كەزدەسۋدىڭ ناتيجەلى وتكەنىن اتاپ ءوتتى. ونىڭ ايتۋىنشا، تاراپتار ساياسي-ەكونوميكالىق، مادەني-گۋمانيتارلىق جانە وزگە دە سالالارداعى ىنتىماقتاستىقتى ودان ءارى دامىتۋعا ۋاعدالاسقان.
ء«بىز ەكىجاقتى قارىم-قاتىناستىڭ بارلىق باعىتى بويىنشا مازمۇندى ءارى ناتيجەلى كەلىسسوزدەر جۇرگىزدىك. اتاپ ايتقاندا، موڭعوليانىڭ بايان-ولگەي ايماعىندا قازاقستاننىڭ كونسۋلدىق مەكەمەسىن اشۋ تۋرالى ءوزارا كەلىسىمگە كەلدىك»، – دەدى توقاەۆ.
پرەزيدەنت بۇل شەشىمدى تاريحي تامىرى ورتاق، باۋىرلاس حالىقتار اراسىنداعى ستراتەگيالىق سەرىكتەستىكتى نىعايتاتىن ماڭىزدى قادام رەتىندە باعالادى.
«بۇل – موڭعول ەلىنىڭ قازاق حالقىنا دەگەن ىزگى نيەتى مەن شىنايى دوستىق كوڭىلىنىڭ ايقىن كورىنىسى. ءبىز بۇل شەشىمدى جوعارى باعالايمىز. پرەزيدەنت حۋرەلسۇح مىرزاعا زور العىسىمدى بىلدىرەمىن»، – دەدى ول.
