مەملەكەتتىك قۇپيانى قىتايعا ساتقان سىروەجكين 10 جىلعا سوتتالدى

2611

بەلگىلى قازاقستاندىق قىتايتانۋشى كونستانتين سىروەجكين 10 جىلعا سوتتالىپ، ارنايى رەجيمدەگى كولونيادا ايىبىن وتەيدى. مەملەكەتكە وپاسىزدىق جاساعانى ءۇشىن ازاماتتىقتان ايىرىلدى. بۇل تۋرالى قۇقىق قورعاۋشى عالىم اعەلەۋوۆ ءوزىنىڭ Facebook پاراقشاسىندا جازدى دەپ مالىمدەدى "فەرگانا" اقپارات اگەنتتىگى.

«سوت جابىق ءوتتى (...) ك.ل. سىروەجكين كىناسىن مويىنداماي، بارلىعىن بيلىكتىڭ ار-وجدانىنا تاپسىراتىنىن مالىمدەدى جانە اپەللياتسيا بەرۋدەن باس تارتتى » دەلىنگەن جازبادا.

فەرگاناعا بەرگەن تۇسىنىكتەمەدە اعەلەۋوۆ سوت تۋرالى ۇكىمدى «وعان جاقىن ادامداردان» بىلگەنىن جانە بۇل دەرەككوزدەر «ءدال» بولعانىن ايتتى. وعان ۇكىمنىڭ مالىمەتتەرى بەلگىسىز. «دابىلدى قاعىپ، بۇل ءىستىڭ جاريا ەتىلۋىن تالاپ ەتەتىن كەزدە بارلىعى ءۇنسىز قالدى. قازىر ۋاقىت جوعالتتىق »، - دەپ اتاپ ءوتتى قۇقىق قورعاۋشى.

ونىڭ ايتۋىنشا، ەندى ۇكىمنىڭ ەگجەي-تەگجەيىن ءبىلۋ ءۇشىن ادۆوكاتپەن جانە سىروەجكيننىڭ تۋىستارىمەن كەزدەسىپ، سوعان بايلانىستى عالىمدى قالاي  قورعاۋ جايلى اقىلداسپاق.

كونستانتين سىروەجكين - قازاقستانداعى قىتايتانۋ سالاسىنداعى جەتەكشى مامان، ساياسات عىلىمدارىنىڭ دوكتورى جانە قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى. ول قىتايدى زەرتتەۋ بويىنشا قازاقستان رەسپۋبليكاسىنىڭ كوپتەگەن عىلىمي جوبالارىنىڭ جەتەكشىسى جانە كەڭەسشىسى بولدى.

"فەرعانانىڭ" اقپارات كوزدەرى ونىڭ وسى جىلدىڭ اقپان ايىنان بەرى جۋرناليستەرمەن بايلانىسىن توقتاتقانىن مالىمدەدى. قىستا سىروەجكين،بەلگىلى قازاقستاندىق مامان رەتىندە، «قازاقستانداعى قىتايتانۋ: جاعدايى جانە بولاشاعى» كونفەرەنتسياسىنا قاتىسۋى كەرەك ەدى، بىراق بەلگىسىز سەبەپتەرمەن كوپشىلىككە كورىنبەدى.

مامىردىڭ باسىندا ونى ارنايى قىزمەت ۇستاعاندىعى تۋرالى قازاقستاندىق جانە شەتەلدىك باق حابارلادى. سونىمەن بىرگە، قازاقستاننىڭ ۇلتتىق قاۋىپسىزدىك كوميتەتى عالىمنىڭ وسى جىلدىڭ قاڭتارىندا ۇستالىپ، 19 اقپاندا قاماۋعا الىنعانىن راستادى.

"ادىرنا" ۇلتتىق پورتالى

پىكىرلەر