Memlekettik qupııany Qytaıǵa satqan Syroejkın 10 jylǵa sottaldy

2365

Belgili qazaqstandyq qytaıtanýshy Konstantın Syroejkın 10 jylǵa sottalyp, arnaıy rejımdegi kolonııada aıybyn óteıdi. Memleketke opasyzdyq jasaǵany úshin azamattyqtan aıyryldy. Bul týraly quqyq qorǵaýshy Ǵalym Aǵeleýov óziniń Facebook paraqshasynda jazdy dep málimdedi "Fergana" aqparat agenttigi.

«Sot jabyq ótti (...) K.L. Syroejkın kinásin moıyndamaı, barlyǵyn bıliktiń ar-ojdanyna tapsyratynyn málimdedi jáne apellıaııa berýden bas tartty » delingen jazbada.

Ferganaǵa bergen túsiniktemede Aǵeleýov sot týraly úkimdi «oǵan jaqyn adamdardan» bilgenin jáne bul derekkózder «dál» bolǵanyn aıtty. Oǵan úkimniń málimetteri belgisiz. «Dabyldy qaǵyp, bul istiń jarııa etilýin talap etetin kezde barlyǵy únsiz qaldy. Qazir ýaqyt joǵalttyq », - dep atap ótti quqyq qorǵaýshy.

Onyń aıtýynsha, endi úkimniń egjeı-tegjeıin bilý úshin advokatpen jáne Syroejkınniń týystarymen kezdesip, soǵan baılanysty ǵalymdy qalaı  qorǵaý jaıly aqyldaspaq.

Konstantın Syroejkın - Qazaqstandaǵy qytaıtaný salasyndaǵy jetekshi maman, saıasat ǵylymdarynyń doktory jáne Qazaqstan strategııalyq zertteýler ınstıtýtynyń bas ǵylymı qyzmetkeri. Ol Qytaıdy zertteý boıynsha Qazaqstan Respýblıkasynyń kóptegen ǵylymı jobalarynyń jetekshisi jáne keńesshisi boldy.

"Ferǵananyń" aqparat kózderi onyń osy jyldyń aqpan aıynan beri jýrnalıstermen baılanysyn toqtatqanyn málimdedi. Qysta Syroejkın,belgili qazaqstandyq maman retinde, «Qazaqstandaǵy qytaıtaný: jaǵdaıy jáne bolashaǵy» konferenııasyna qatysýy kerek edi, biraq belgisiz sebeptermen kópshilikke kórinbedi.

Mamyrdyń basynda ony arnaıy qyzmet ustaǵandyǵy týraly qazaqstandyq jáne sheteldik BAQ habarlady. Sonymen birge, Qazaqstannyń Ulttyq qaýipsizdik komıteti ǵalymnyń osy jyldyń qańtarynda ustalyp, 19 aqpanda qamaýǵa alynǵanyn rastady.

"Adyrna" ulttyq portaly

Pikirler