اقش پرەزيدەنتى دونالد ترامپ 2030 جىلعا دەيىن ەلدە 10 جاڭا يادرولىق رەاكتوردىڭ قۇرىلىسىن باستاۋ تۋرالى جارلىققا قول قويدى. بۇل تۋرالى 23 مامىردا اق ءۇيدىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
مەملەكەت باسشىسىنىڭ ايتۋىنشا، بۇل شەشىم ەلدىڭ ەنەرگەتيكالىق قاجەتتىلىكتەرىن ءوز بەتىنشە قامتاماسىز ەتۋىنە مۇمكىندىك بەرەدى.
«ەنەرگەتيكا مينيسترلىگى، ەڭ الدىمەن، جۇمىس ىستەپ تۇرعان يادرولىق رەاكتورلاردىڭ قۋاتىن 5 گۆت-قا ارتتىرۋعا جانە 2030 جىلعا دەيىن 10 جاڭا ءىرى رەاكتوردىڭ قۇرىلىسىن باستاۋعا نازار اۋدارادى»، – دەلىنگەن حابارلامادا.
سونداي-اق اقش ەنەرگەتيكا مينيسترىنە جابىلىپ قالعان اتوم ەلەكتر ستانتسيالارىن قايتا ىسكە قوسۋعا، جۇمىس ىستەپ تۇرعان ستانتسيالاردىڭ قۋاتىن ارتتىرۋعا جانە قۇرىلىسى توقتاپ قالعان اەس-تەردى اياقتاۋعا قاجەت رەسۋرستاردى قامتاماسىز ەتۋ تاپسىرىلدى.
