AQŞ prezidentı Donald Tramp 2030 jylǧa deiın elde 10 jaŋa iadrolyq reaktordyŋ qūrylysyn bastau turaly jarlyqqa qol qoidy. Būl turaly 23 mamyrda Aq üidıŋ baspasöz qyzmetı aitty, dep habarlaidy «Adyrna» tılşısı.
Memleket basşysynyŋ aituynşa, būl şeşım eldıŋ energetikalyq qajettılıkterın öz betınşe qamtamasyz etuıne mümkındık beredı.
«Energetika ministrlıgı, eŋ aldymen, jūmys ıstep tūrǧan iadrolyq reaktorlardyŋ quatyn 5 GVt-qa arttyruǧa jäne 2030 jylǧa deiın 10 jaŋa ırı reaktordyŋ qūrylysyn bastauǧa nazar audarady», – delıngen habarlamada.
Sondai-aq AQŞ energetika ministrıne jabylyp qalǧan atom elektr stansiialaryn qaita ıske qosuǧa, jūmys ıstep tūrǧan stansiialardyŋ quatyn arttyruǧa jäne qūrylysy toqtap qalǧan AES-terdı aiaqtauǧa qajet resurstardy qamtamasyz etu tapsyryldy.
