دارحان ساتىبالدى الماتى قالاسىنىڭ اكىمى بولىپ تاعايىندالدى، دەپ حابارلايدى “ادىرنا” ۇلتتىق پورتالى.
مەملەكەت باسشىسى قاسىم-جومارت توقاەۆتىڭ جارلىعىمەن دارحان امانگەلدىۇلى ساتىبالدى الماتى قالاسىنىڭ اكىمى بولىپ تاعايىندالدى. ول بۇعان دەيىن اتقارىپ كەلگەن لاۋازىمىنان بوساتىلدى.
“مەملەكەت باسشىسىنىڭ جارلىعىمەن دارحان امانگەلدىۇلى ساتىبالدى الماتى قالاسىنىڭ اكىمى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى”، - دەلىنگەن اقوردا حابارلاماسىندا.
دارحان ساتىبالدى 1974 جىلدىڭ 26 ناۋرىزىندا دۇنيەگە كەلگەن. سەيفۋللين اتىنداعى اقمولا اۋىلشارۋاشىلىق ينستيتۋتىن جانە قازاق گۋمانيتارلىق-زاڭ ۋنيۆەرسيتەتىن بىتىرگەن. ماماندىعى — ەكونوميست-مەنەدجەر جانە زاڭگەر.
ول ءار جىلدارى بيۋدجەتتىك جوسپارلاۋ، قارجى باقىلاۋ، عىلىم، ۇلتتىق قاۋىپسىزدىك، اكىمشىلىك باسقارۋ جانە سوت جۇيەسىن دامىتۋ سالالارىندا جاۋاپتى قىزمەتتەر اتقارعان. 2013–2015 جىلدارى شىمكەنت قالاسىنىڭ اكىمى، 2015–2017 جىلدارى وڭتۇستىك قازاقستان وبلىسى اكىمىنىڭ ءبىرىنشى ورىنباسارى، 2018–2019 جىلدارى قر پارلامەنتى سەناتىنىڭ دەپۋتاتى بولعان.
سوڭعى جىلدارى تۇركىستان وبلىسىن باسقارعان دارحان ساتىبالدى 2025 جىلدىڭ قاڭتارىندا پرەزيدەنت اكىمشىلىگى باسشىسىنىڭ ءبىرىنشى ورىنباسارى قىزمەتىنە تاعايىندالعان ەدى.
ەندى ول ەلدەگى ءىرى مەگاپوليس – الماتى قالاسىنىڭ الەۋمەتتىك-ەكونوميكالىق دامۋىن جاڭا دەڭگەيگە شىعارۋعا جاۋاپتى بولادى.
ۇقساس جاڭالىقتار
