الماتىدا ەكى كولىك سوقتىعىسىپ، ءبىر ادام قايتىس بولدى، دەپ حابارلايدى "ادىرنا" ءتىلشىسى.
الماتىدا جەڭىل كولىك پەن جولاۋشىلار اۆتوبۋسى سوقتىعىستى. سالدارىنان ءبىر ادام قازا تاۋىپ، ءتورت ادام جاراقات الدى. جول اپاتى 27 قاڭتار كۇنى تاڭعى ساعات 09:00–دە الاتاۋ اۋدانىندا بولعان.
Chevrolet اۆتوكولىگىن تىزگىندەگەن 2003 جىلعى ازامات رولگە يە بولا الماي، ي. ەمتسوۆ كوشەسىندە قارسى باعىتقا شىعىپ كەتكەن. كەيىننەن اۆتوبۋسقا سوعىلعان.
«وقيعا سالدارىنان جەڭىل ماشينا جۇرگىزۋشىسى وقيعا ورنىندا كوز جۇمدى. اۆتوبۋستىڭ ءتورت جولاۋشىسى مەديتسينالىق كومەككە جۇگىندى»، — دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتى.
