الماتى اكىمى الەم چەمپيوناتىنىڭ التىن، كۇمىس جانە قولا جۇلدەگەرلەرىن جوعارى جەتىستىگى ءۇشىن قۇتتىقتاپ، قارجىلاي سەرتيفيكاتتارمەن ماراپاتتادى.
سالتاناتتى راسىمدە الماتى اكىمى دارحان ساتىبالدى سپورتشىلاردى جوعارى ناتيجەسىمەن قۇتتىقتاپ، العىس حات پەن قارجىلاي سەرتيفيكاتتار تابىس ەتتى.
«سىزدەردى وسى جارقىن جەڭىستەرىڭىزبەن قۇتتىقتاۋعا رۇقسات ەتىڭىزدەر. بۇل – مەن ءۇشىن قوس قۋانىش، ويتكەنى ءبىزدىڭ الماتىلىق سپورتشىلار ۇلتتىق قۇرامانىڭ قورجىنىنا 4 مەدال سالدى. بۇدان بولەك، كۇرەس چەمپيوناتىندا تاعى ءبىر مەدالعا قول جەتتى. مۇنىڭ ءبارى – سىزدەرمەن بىرگە ماقتاناتىن جوعارى ناتيجە»، – دەدى قالا اكىمى.
سونداي-اق زاگرەب (حورۆاتيا) قالاسىندا وتكەن كۇرەستەن الەم چەمپيوناتىندا قولا جۇلدەگە يە بولعان نۇرقوجا قايپانوۆ تا العىس حات جانە قارجىلاي سەرتيفيكاتپەن ماراپاتتالدى.
سپورتشىلاردىڭ باپكەرلەرى دە العىس حات پەن قارجىلاي ىنتالاندىرۋعا يە بولدى.
الەم چەمپيوناتىنىڭ قورىتىندىسى بويىنشا قازاقستان قۇراماسى جالپىكوماندالىق ەسەپتە 1-ورىندى يەلەندى. سپورتشىلار بارلىعى 10 مەدال جەڭىپ الدى: 7 التىن، 1 كۇمىس جانە 2 قولا.
الماتىدان ۇلتتىق قۇراما ساپىندا 4 سپورتشى باعىن سىناپ، 4 مەدالعا يە بولدى. بۇل – كوماندانىڭ جالپى جۇلدەسىنىڭ 40 پايىزى.
1. الۋا بالقىبەكوۆا – التىن مەدال.
2. نازىم قىزايباي – كۇمىس مەدال.
3. ۆيكتوريا گرافەەۆا – قولا مەدال.
4. ەلدانا ءتالىپوۆا – قولا مەدال.
ۇقساس جاڭالىقتار
