الماتى وبلىسىندا مەكتەپ تۇلەكتەرى جول ەرەجەسىن ورەسكەل بۇزدى، دەپ حابارلايدى “ادىرنا” ۇلتتىق پورتالى.
الماتى وبلىسىندا مەكتەپ بىتىرۋشىلەر مىنگەن بىرنەشە كولىك “ۇلكەن الماتى اينالما جولىندا” (باكاد) جول قوزعالىسى ەرەجەلەرىن ورەسكەل بۇزىپ، قوزعالىستى توقتاتۋعا دەيىن بارعان.
الەۋمەتتىك جەلىلەردە تاراعان ۆيدەولاردا كولىكتەر كولوننامەن ءجۇرىپ، باسقا كولىكتەرگە كەدەرگى كەلتىرىپ، قوزعالىس جولاعىن جاۋىپ تاستاعانى كورىنەدى. سونىمەن قاتار كەي جاسوسپىرىمدەر كولىكتىڭ تەرەزەلەرىنەن سىرتقا شىعىپ العان. كەيبىر كولىكتەردە مەملەكەتتىك نومىرلەر دە بولماعان.
الماتى وبلىستىق پوليتسيا دەپارتامەنتى وقيعاعا قاتىستى تۇسىنىك بەرىپ، بارلىق ەرەجە بۇزعاندار انىقتالىپ، جاۋاپكەرشىلىككە تارتىلعانىن مالىمدەدى.
“جول قوزعالىسى ەرەجەلەرىنىڭ 17 بۇزۋشىلىعى بويىنشا – قاۋىپسىزدىك بەلدىگىن تاقپاۋدان باستاپ، اپاتتى جاعداي تۋعىزۋعا دەيىنگى ماتەريالدار سوتقا جولداندى. بارلىق كولىك ارنايى تۇراققا قويىلدى”، – دەلىنگەن پوليتسيانىڭ رەسمي حابارلاماسىندا.
ۇقساس جاڭالىقتار
