تەڭىز كەمەلەرىنىڭ نەمەسە سالىنىپ جاتقان كەمەلەردىڭ يپوتەكاسىن تىركەۋ بويىنشا مەملەكەتتىك قىزمەت ەلەكتروندىق فورماتقا اۋىستىرۋ ارقىلى وڭتايلاندىرىلعان. وسى قىزمەتتى كورسەتۋدىڭ ءتيىستى ستاندارتى اعىمداعى جىلدىڭ 19 قىركۇيەگىنەن باستاپ قولدانىسقا ەنگىزىلدى.
ەندى قىزمەت الۋشىلارعا اقتاۋ قالاسىندا ورنالاسقان اتالعان اكىمشىلىكتىڭ كەڭسەسىنە نەمەسە حالىققا قىزمەت كورسەتۋ ورتالىعىنا بارۋدىڭ قاجەتى جوق.
ءوتىنىش بەرۋشىگە ەلەكتروندىق-تسيفرلىق قولتاڭبا جانە ينتەرنەتكە قول جەتكىزۋ جەتكىلىكتى. «ەلەكتروندىق ۇكىمەت» پورتالىندا ول مالىمەتتەر نىسانىن تولتىرىپ، تولەم ءشليۋزى ارقىلى مەملەكەتتىك باج تولەيدى (5 ايلىق ەسەپتىك كورسەتكىش نەمەسە 12 625 تەڭگە) جانە وسىنداي شارتتا كورسەتىلگەن قۇجاتتارمەن كەمە يپوتەكاسى تۋرالى شارتتىڭ سكانەرلەنگەن كوشىرمەسىن تىركەيدى.
قىزمەت ءبىر جۇمىس كۇنى ىشىندە كورسەتىلەدى.
قاراۋ ناتيجەلەرى بويىنشا كەمە يپوتەكاسىن تىركەۋ تۋرالى كۋالىك نەمەسە دالەلدى باس تارتۋ ءوتىنىش بەرۋشىنىڭ «جەكە كابينەتىنە» اۆتوماتتى تۇردە جىبەرىلەدى.
قر يدم كولىك كوميتەتىنىڭ ءباسپاسوز قىزمەتى
