پرەزيدەنت قاسىم-جومارت توقاەۆ «كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتى» رمم پروفەسسورى قايرات بايبوسىنوۆتى «قازاقستاننىڭ ەڭبەك ەرى» اتاعىمەن ماراپاتتادى. بۇل تۋرالى اقوردا جازدى، دەپ حابارلايدى ”ادىرنا”.
«بۇگىن ۇلتتىق ونەردىڭ مايتالمانى قايرات بايبوسىنوۆقا «قازاقستاننىڭ ەڭبەك ەرى» اتاعى بەرىلەدى. حالقىمىزدىڭ جان-دۇنيەسىن ايشىقتاي كورسەتەتىن حالىق ونەرى ءاردايىم توردە بولۋى كەرەك. بۇل ماراپات – ايگىلى ءانشىنىڭ ولشەۋسىز ەڭبەگى مەن ۇلتتىق ونەرىمىزگە دەگەن ەرەكشە قۇرمەتتىڭ بەلگىسى»، – دەدى قاسىم-جومارت توقاەۆ.
اتاق العان ونەر قايراتكەرى كورسەتىلگەن قۇرمەت ءۇشىن پرەزيدەنتكە العىسىن ءبىلدىردى.
«قۇرمەتتى، قاسىم-جومارت كەمەلۇلى، بەرىپ جاتقان ماراپاتىڭىزعا كوپتەن-كوپ العىسىمدى بىلدىرەم. بۇل ماعان عانا ەمەس، بۇل ۇلتتىق ونەرگە، ءداستۇرلى ءان ونەرىنە بەرىپ وتىرعان ءسىزدىڭ باعاڭىز»، – دەدى
سونىمەن بىرگە پرەزيدەنت جارلىعىمەن ۇلتتىق مادەنيەتتى دامىتۋعا جانە ناسيحاتتاۋعا قوسقان ايرىقشا ۇلەسى، مادەنيەت سالاسىنداعى اسا ۇزدىك جەتىستىكتەرى جانە قازاقستان رەسپۋبليكاسىنا سىڭىرگەن ەڭبەگى ءۇشىن ءبىر توپ ازامات مەملەكەتتىك ناگرادالارمەن ماراپاتتالعان.
ۇقساس جاڭالىقتار
