بەلارۋس پرەزيدەنتى الەكساندر لۋكاشەنكو بەلارۋس حالقىنىڭ جانە ءوز اتىنان قازاقستان پرەزيدەنتى قاسىم-جومارت توقاەۆتى رەسپۋبليكا كۇنىمەن قۇتتىقتادى، دەپ حابارلايدى "ادىرنا" ۇلتتىق پورتالى.
الەكساندر لۋكاشەنكو ەگەمەندىك دەكلاراتسياسىنىڭ قابىلدانۋى قازاقستان ءۇشىن ايتۋلى وقيعا جانە تاۋەلسىزدىك جولىنداعى العاشقى قادام ەكەنىن جەتكىزدى، دەپ جازدى بەلارۋس پرەزيدەنتى اكىمشىلىگىنىڭ سايتى.
"قۇرمەتتى قاسىم-جومارت كەمەلۇلى، سىزگە زور دەنساۋلىق، مول باقىت، وتباسىڭىز بەن پىكىرلەستەرىڭىزدىڭ قولداۋىن تىلەيمىن، ال باۋىرلاس قازاقستان حالقىنا تۇراقتىلىق پەن گۇلدەنۋ تىلەيمىن، - دەدى پرەزيدەنت.
سونىمەن قاتار، لۋكاشەنكو قازاقستاننىڭ سىرتقى ساياسي قاعيدالاردى بەرىك ۇستانىپ، كورشىلەرىمەن تاتۋلىقتى نىعايتۋعا جان-جاقتى ۇلەس قوسىپ كەلە جاتقانىن اتاپ ءوتتى. استانانىڭ ءماندى باستامالارى حالىقارالىق قاۋىپسىزدىكتى قامتاماسىز ەتۋدە جانە ادامزاتتىڭ جاھاندىق ماسەلەلەرىن شەشۋدە ماڭىزدى ءرول اتقاراتىنىن ايتتى.
"ادىرنا" ۇلتتىق پورتالى
