ۇلىتاۋ وبلىسىندا جاستارعا ارنالعان كۆەست-كۆيز-چەللەندج فورماتىنداعى «انتيپاراكۆەست» ويىنى ءوتتى.
جاستاردىڭ بەلسەندىلىگىن ارتتىرۋدى، سىبايلاس جەمقورلىققا قارسى مادەنيەتتى دامىتۋدى ماقسات ەتكەن شاراعا ايماق باسشىسى داستان رىسپەكوۆ جانە وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى ەرلان دجولدىباەۆ ارنايى قاتىستى.
وبلىس اكىمى ءوز سوزىندە: «بۇگىنگى جاستار – ەرتەڭگى ەل تىزگىنىن ۇستايتىن تۇلعالار. مۇنداي ويىندار ولاردىڭ وي-ءورىسىن دامىتىپ، ادىلدىك پەن پاراساتتىلىق قۇندىلىقتارىن نىعايتا تۇسەدى»، – دەدى.
ال دەپارتامەنت باسشىسى: «انتيپاراكۆەست – بۇل جاستارمەن ءتيىمدى ءتىل تابىسۋدىڭ، ولاردى تىڭداۋدىڭ زاماناۋي ءادىسى. بۇل – تاربيەلىك ءمانى زور، ءارى تارتىمدى فورمات»،- دەپ اتاپ ءوتتى.
ويىنعا بارلىعى وبلىس بويىنشا 10 كوماندا قاتىستى. قاتىسۋشىلار ءتورت كەزەڭنەن ءوزارا سايىسىپ، ءبىلىم مەن لوگيكاعا، جىلدامدىق پەن توپتىق جۇمىسقا نەگىزدەلگەن تاپسىرمالاردى ورىندادى. ءار كەزەڭدە جاستار ادالدىق، اشىقتىق، قۇقىقتىق ساۋاتتىلىق پەن قازىرگى قوعامداعى وزەكتى ماسەلەلەردى قوزعايتىن سۇراقتارعا جاۋاپ بەردى.
قىزىقتى ءارى تارتىستى وتكەن سايىس ناتيجەسىندە:
ءى ورىندى – «ادال live»، جاڭاارقا اۋدانىنىڭ №1 مەكتەپ-ليتسەيى;
ءىى ورىندى – «گولوس پروزراچنوستي»، قاراجال قالاسىنىڭ №3 جالپى ءبىلىم بەرەتىن مەكتەبى;
ءىىى ورىندى – «ادالدىق ءپاترۋلى»، قاراجال قالاسىنىڭ №6 جالپى ءبىلىم بەرەتىن مەكتەبى جەڭىپ الدى.
سونىمەن قاتار، اتالعان ويىنعا بەلسەنە قاتىسقانى ءۇشىن العىس حاتپەن:
- «جەمقورلىقسىز جاستار»، جەزقازعان بيزنەس جانە كولىك كوللەدجى;
- «103»، جەزقازعان جوعارى مەديتسينالىق كوللەدجى;
- «جەمقورلىقسىز بولاشاق»، «قازاقمىس» كورپوراتسياسىنىڭ تەحنولوگيالىق كوللەدجى;
- «تازا قوعام»، «دەنساۋلىق» مەديتسينالىق كوللەدجى;
- «MindHackers»، بيمەندە امالبەكوۆ اتىنداعى تىرەك مەكتەبى;
- «ساف جۇرەك»، جاڭاارقا اۋدانىنىڭ ەلامان شاحانوۆ اتىنداعى تىرەك مەكتەبى;
- «بىرلىك»، ۇلىتاۋ اۋدانىنىڭ №1 تىرەك مەكتەبى،
بارلىق قاتىسۋشى جانە جەڭىمپاز كوماندالارعا ۇيىمداستىرۋشى تاراپىنان ديپلوم، باعالى سىيلىقتار (كولونكا، پرينتەر،تەلەۆيزور، يميدجدىك ءونىم) مەن ستاتۋەتكا تابىس ەتىلدى.
ويىن سوڭىندا قاتىسۋشىلار ادالدىق چەللەندجىن ەلىمىزدىڭ وزگە قالالارى مەن وبلىستارىنا جولدادى. ايتا كەتەيىك، ءىس-شارا ۇلىتاۋ وبلىسىنىڭ قوعامدىق دامۋ باسقارماسىنىڭ مەملەكەتتىك-الەۋمەتتىك تاپسىرىسى اياسىندا جانە ۇلىتاۋ وبلىسىنىڭ سىبايلاس جەمقورلىققا قارسى دەپارتامەنتى، ۇلىتاۋ وبلىسىنىڭ ءبىلىم باسقارماسى مەن «ۇلىتاۋ جاستارى» قوعامدىق بىرەلسىتىگىنىڭ ۇيىمداستىرۋىمەن ءوتتى.
ۇقساس جاڭالىقتار
