Ūlytau oblysynda jastarǧa arnalǧan kvest-kviz-chellendj formatyndaǧy «AntiParaKvest» oiyny öttı.
Jastardyŋ belsendılıgın arttyrudy, sybailas jemqorlyqqa qarsy mädeniettı damytudy maqsat etken şaraǧa aimaq basşysy Dastan RYSPEKOV jäne oblystyq Sybailas jemqorlyqqa qarsy ıs-qimyl departamentınıŋ basşysy Erlan DJOLDYBAEV arnaiy qatysty.
Oblys äkımı öz sözınde: «Bügıngı jastar – erteŋgı el tızgının ūstaityn tūlǧalar. Mūndai oiyndar olardyŋ oi-örısın damytyp, ädıldık pen parasattylyq qūndylyqtaryn nyǧaita tüsedı», – dedı.
Al departament basşysy: «AntiParaKvest – būl jastarmen tiımdı tıl tabysudyŋ, olardy tyŋdaudyŋ zamanaui ädısı. Būl – tärbielık mänı zor, ärı tartymdy format»,- dep atap öttı.
Oiynǧa barlyǧy oblys boiynşa 10 komanda qatysty. Qatysuşylar tört kezeŋnen özara saiysyp, bılım men logikaǧa, jyldamdyq pen toptyq jūmysqa negızdelgen tapsyrmalardy oryndady. Är kezeŋde jastar adaldyq, aşyqtyq, qūqyqtyq sauattylyq pen qazırgı qoǧamdaǧy özektı mäselelerdı qozǧaityn sūraqtarǧa jauap berdı.
Qyzyqty ärı tartysty ötken saiys nätijesınde:
I ORYNDY – «Adal live», Jaŋaarqa audanynyŋ №1 mektep-liseiı;
II ORYNDY – «Golos prozrachnosti», Qarajal qalasynyŋ №3 jalpy bılım beretın mektebı;
III ORYNDY – «Adaldyq patrulı», Qarajal qalasynyŋ №6 jalpy bılım beretın mektebı jeŋıp aldy.
Sonymen qatar, atalǧan oiynǧa belsene qatysqany üşın alǧys hatpen:
- «Jemqorlyqsyz jastar», Jezqazǧan biznes jäne kölık kolledjı;
- «103», Jezqazǧan joǧary medisinalyq kolledjı;
- «Jemqorlyqsyz bolaşaq», «Qazaqmys» Korporasiiasynyŋ tehnologiialyq kolledjı;
- «Taza qoǧam», «Densaulyq» medisinalyq kolledjı;
- «MindHackers», Bimende Amalbekov atyndaǧy tırek mektebı;
- «SAF JÜREK», Jaŋaarqa audanynyŋ Elaman Şahanov atyndaǧy tırek mektebı;
- «Bırlık», Ūlytau audanynyŋ №1 tırek mektebı,
Barlyq qatysuşy jäne jeŋımpaz komandalarǧa ūiymdastyruşy tarapynan diplom, baǧaly syilyqtar (kolonka, printer,televizor, imidjdık önım) men statuetka tabys etıldı.
Oiyn soŋynda qatysuşylar adaldyq chellendjın elımızdıŋ özge qalalary men oblystaryna joldady. Aita keteiık, ıs-şara Ūlytau oblysynyŋ qoǧamdyq damu basqarmasynyŋ memlekettık-äleumettık tapsyrysy aiasynda jäne Ūlytau oblysynyŋ sybailas jemqorlyqqa qarsy departamentı, Ūlytau oblysynyŋ bılım basqarmasy men «ŪLYTAU JASTARY» qoǧamdyq bırelsıtıgınıŋ ūiymdastyruymen öttı.
Ūqsas jaŋalyqtar
