ءماجىلىس ۆيتسە-سپيكەرىنىڭ ايتۋىنشا، ءدال قازىر 7 ميلليون 051 مىڭ ازامات پاتەر الۋ ءۇشىن نەسيە الا المايدى. بۇل تۋرالى ۇكىمەت ساعاتىندا ءماجىلىستىڭ ۆيتسە-سپيكەرى ۆلاديمير بوجكو مالىمدەدى، دەپ حابارلايدى Zakon.kz تىلشىسى.
- تۇرعىن ءۇي نەسيەسىنە جۇگىنە الاتىن ازاماتتار سانى ازايىپ كەلەدى. قازىرگە دەيىن 6 ميلليون 752 مىڭ كەپىلدىكسىز تۇتىنۋشىلىق نەسيە بەرىلسە، ونىڭ 885 مىڭى كەشىكتىرىلگەن. بانكتەر مەن نەسيە بەرەتىن ۇيىمدار ءبىزدىڭ ازاماتتارىمىزدى قارجىلىق قۇلدىققا يتەرمەلەيدى، سوسىن بانكتەر كوللەكتورلارعا جۇگىنەدى، ال قارىز الۋشىلار مەملەكەتتەن ءوز كرەديت ماسەلەسىن شەشۋدى تالاپ ەتەدى، - دەدى بوجكو.
ونىڭ ايتۋىنشا، 227 مىڭ اۆتونەسيە بەرىلسە، ونىڭ 22 مىڭى بويىنشا نەسيە تولەۋ مەرزىمى كەشىكتىرىلدى، 741 مىڭ ادام كرەديتتىك كارتوچكا العان، ولاردىڭ 56 مىڭىنىڭ قارىزى بار، يپوتەكا بويىنشا 270 مىڭ نەسيە الۋشىنىڭ تولەمى كەشىكتىرىلگەن بەرەشەگى بار.
- ەلدە 959 مىڭ قارىز الۋشى پروبلەمالى، قازىرگى ۋاقىتتا 7 ميلليون 051 مىڭ ازامات باسپانا ءۇشىن نەسيە الا المايدى، - دەدى دەپۋتات.
تاعى ءبىر پروبلەما - كەيبىر جەرگىلىكتى اتقارۋشى ورگاندار "بايتەرەك" اق-داعى ءوز وبليگاتسيالارىن ۋاقىتىندا ساتىپ الا الماي وتىر.
بۇل جاعداي باقىلاۋ مەن ەسەپ بەرۋدى كۇشەيتۋ ءۇشىن جەرگىلىكتى اتقارۋشى ورگانداردىڭ جەكە باقىلاۋ ەسەپشوتىن اشۋدى تالاپ ەتەدى، ونىڭ ىشىندە "نۇرلى جەر" باعدارلاماسى بويىنشا قاراجاتتىڭ قوزعالىسى مەن ونىڭ ماقساتتى پايدالانىلۋىن باقىلايتىن زاڭ كەرەك.
- ازاماتتاردىڭ تۇرعىن ءۇي سالىمدارىنا تيىسپەۋ جاعىن قاراستىرۋ كەرەك، ايتپەسە الەۋمەتتىك تولەمدەر، ايىپپۇل ءوندىرۋ دەگەن بار. سوڭعى 3 جىلدىڭ ىشىندە بجزق تولەم تالاپتارىن ورىنداۋ ءۇشىن جيناقتاردان 3,8 ميلليارد تەڭگە تولەدى، - دەپ قورىتىندىلادى بوجكو.
