قازاقستاندا سوڭعى قوڭىراۋ كۇنىنىڭ وزگەرۋىنە بايلانىستى ۇلتتىق بىرىڭعاي تەستىلەۋ (ۇبت) كۇندەرى دە اۋىستىرىلدى، دەپ حابارلايدى "ادىرنا" ۇلتتىق پورتالى.
بۇل تۋرالى ۇلتتىق تەستىلەۋ ورتالىعى (ۇتو) مالىمدەدى.
ۇتو مالىمەتىنشە، 23 جانە 24 مامىرعا جوسپارلانعان تەستىلەۋ كۇندەرى جاڭارتىلعان:
23 مامىرعا ءوتىنىش بەرگەن تالاپكەرلەر ەندى ۇبت-نى 25 مامىردا تاپسىرادى.
24 مامىرعا ءوتىنىش بەرگەن تالاپكەرلەر تەستىلەۋدى 1 ماۋسىمدا تاپسىرادى.
جاڭا تەستىلەۋ كۇنى تۋرالى اقپارات app.testcenter.kz سايتىنداعى جەكە كابينەتتە اۆتوماتتى تۇردە جاڭارتىلادى. سونىمەن قاتار، تالاپكەرلەرگە SMS-حابارلاما جىبەرىلەدى.
ۇبت-عا دايىندالىپ جاتقان تالاپكەرلەر ءۇشىن بۇل وزگەرىس ماڭىزدى. سوندىقتان جەكە كابينەتتەرىن ءجيى تەكسەرىپ، تەستىلەۋ كۇنى مەن ۋاقىتىنا ەرەكشە نازار اۋدارۋ قاجەت.
ۇقساس جاڭالىقتار
