224 تۇلەك ۇبت تاپسىرۋ مۇمكىندىگىنەن ايىرىلدى

3271
Adyrna.kz Telegram

بيىل 224 تۇلەك اۋديتورياعا تىيىم سالىنعان زاتتاردى الىپ كىرمەك بولعانى ءۇشىن ۇبت تاپسىرۋ مۇمكىندىگىنەن ايىرىلدى دەپ حابارلايدى  "ادىرنا" ۇلتتىق پورتالى قر ءبىلىم جانە عىلىم مينيسترلىگى ءباسپاسوز قىزمەتىنە سىلتەمە جاساپ.

ۇلتتىق بىرىڭعاي تەستىلەۋ — ءاربىر مەكتەپ ءبىتىرۋشى تۇلەكتىڭ بولاشاعىن ايقىندايتىن سىناق . بيىل ەلىمىزدە 123 مىڭنان استام تالاپكەر ۇلتتىق بىرىڭعاي تەستىلەۋدەن ءوتىپ جاتىر. ونىڭ ىشىندە 92 458 تۇلەك تەستىلەۋدى قازاق تىلىندە، 30 967 – ورىس تىلىندە، 263 – اعىلشىن تىلىندە تاپسىردى. ەڭ جوعارى بالل – 140.

ال 224 تۇلەك اۋديتورياعا تىيىم سالىنعان زاتتاردى الىپ كىرۋگە تىرىسقانى ءۇشىن ۇبت تاپسىرۋ مۇمكىندىگىنەن ايىرىلىپ وتىر. تەستىلەۋ ەرەجەلەرىن بۇزعانى ءۇشىن اۋديتوريادان 563 ادام شىعارىلىپ، ولاردىڭ تەستىلەۋ ناتيجەلەرى جويىلعان. تەستىلەۋگە كىرگىزۋ كەزىندە 9 تۇلەكتىڭ دەنە قىزۋى كوتەرىلگەن. ولار ۇبت-نى باسقا كۇنى بولەك تاپسىرادى.

ايتا كەتۋ كەرەك، تەستىلەۋ كەزىندە ءاربىر تۇلەكتىڭ قيمىل- قوزعالىسى احۋالدىق ورتالىقتا «ءبىر تەستىلەنۋشى – ءبىر كامەرا» قاعيداتى بويىنشا باقىلانادى. 

"ادىرنا" ۇلتتىق پورتالى.

پىكىرلەر