الەمگە «ەڭ كەدەي پرەزيدەنت» رەتىندە تانىلعان 2010–2015 جىلدار ارالىعىندا ۋرۋگۆايدى باسقارعان حوسە مۋحيكا 89 جاسىندا قايتىس بولدى، دەپ حابارلايدى "ادىرنا" ۇلتتىق پورتالى.
بۇل تۋرالى ەلدىڭ قازىرگى پرەزيدەنتى ياماندۋ ورسي X الەۋمەتتىك جەلىسىندە جازدى.
"ارىپتەسىمىز پەپە مۋحيكانىڭ قايتىس بولعانىن تەرەڭ كۇيزەلىسپەن حابارلايمىز. ول – پرەزيدەنت، بەلسەندى، كوشباسشى ءارى شىنايى جەتەكشى بولدى. ءبىز سەنى قاتتى ساعىنامىز، قادىرلى قاريا. بىزگە سىڭىرگەن ەڭبەگىڭ مەن حالقىڭا دەگەن شەكسىز سۇيىسپەنشىلىگىڭ ءۇشىن العىسىمىز شەكسىز" - دەپ جازدى ورسي.
مۋحيكا وتكەن جىلعى پرەزيدەنت سايلاۋىندا ورسيگە قولداۋ بىلدىرگەن. سول كەزدە ول وڭەش قاتەرلى ىسىگىنە شالدىققانىن ايتقان بولاتىن. قاڭتار ايىندا اۋرۋدىڭ باۋىرعا تاراعانى بەلگىلى بولدى. Busqueda باسىلىمىنا بەرگەن سۇحباتىندا مۋحيكا ەم قابىلداۋدان باس تارتقانىن مالىمدەگەن.
"نەگە؟ ويتكەنى مەن كارىمىن ءارى ەكى بىردەي سوزىلمالى اۋرۋىم بار. ماعان حيميالىق ەم نەمەسە وتا جاساۋ جارامايدى، سەبەبى دەنەم مۇندايدى كوتەرە المايدى" - دەپ تۇسىندىرگەن ەدى ول.
حوسە مۋحيكا ايەلىمەن بىرگە گۇل ءوسىرىپ، ونى ساتىپ كۇن كورگەن. پرەزيدەنتتىك كەزىندە جالاقىسىنىڭ 90 پايىزىن قايىرىمدىلىققا بەرگەن. ونىڭ جالعىز مۇلكى – 1987 جىلى شىققان Volkswagen Beetle كولىگى جانە كىشكەنتاي فەرماسى بولعان.
