رەسەي اسكەرى درونمەن دونەتسك وبلىسىندا ورنالاسقان جۇك پويىزىنا شابۋىل جاسادى. بۇل تۋرالى ۋكراينا تەمىر جولىنىڭ ("ۋكرزاليزنيتسيا") ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
كومپانيانىڭ مالىمەتىنشە، شابۋىل سالدارىنان ماشينيست جاراقات العان. ەر ادام اۋرۋحاناعا جاتقىزىلدى.
«تەمىرجول قىزمەتكەرى اۋرۋحاناعا جەتكىزىلدى. ونىڭ ومىرىنە قاۋىپ ءتونىپ تۇرعان جوق. پويىز قوزعالىسى توقتاتىلمادى»،–دەلىنگەن حابارلامادا.
كومپانيا ۋكراين تەمىرجول ينفراقۇرىلىمى مەن جىلجىمالى قۇرامىنا باعىتتالعان رەسەي شابۋىلدارىنىڭ جالعاسىپ جاتقانىن اتاپ ءوتتى.
«مايدان شەبىنە جاقىن ۋچاسكەلەردە جۇمىس ىستەۋدىڭ قاۋىپتىلىگىنە قاراماستان، ۋكرزالىزنيتسيا ماشينيستەرى باتىلدىقپەن جۇمىسىن جالعاستىرىپ جاتىر»،—دەلىنگەن مالىمدەمەدە.
ۋكراينا اسكەري كۇشتەرى وتكەن تۇندە ەلدىڭ اۋە شابۋىلىنا قارسى قورعانىس كۇشتەرى رەسەيدىڭ 55 «شاحەد» درونىن اتىپ تۇسىرگەنىن ايتتى.
وسىلايشا رەسەي ۋكراينا بيلىگىنىڭ 12 مامىردان باستاپ 30 كۇنگە اتىستى تولىق دوعارۋ تۋرالى ۇندەۋىن ەلەۋسىز قالدىرىپ وتىر.
