وڭتۇستىك كورەيا قازاقستاندىق جاساعان اپاتتان كەيىن كوشى-قون ەرەجەلەرىن قاتاڭداتادى

7139
Adyrna.kz Telegram

وڭتۇستىك كورەيا زاڭسىز ميگرانتتاردىڭ شىعۋ ەرەجەلەرىن قاتاڭداتادى. بۇل تۋرالى "Yonhap" ەلدىڭ ادىلەت مينيسترلىگىنە سىلتەمە جاساپ حابارلايدى. جاڭا ەرەجەلەرگە سايكەس، وڭتۇستىك كورەيادا رەسمي مارتەبەسى جوق شەتەلدىكتەر كەتۋ تۋرالى الدىن-الا ەسكەرتۋى كەرەك. ەگەر بۇل ادامدار قۇقىق بۇزۋشىلىققا قاتىسى بولسا، قۇقىق قورعاۋ ورگاندارىنان قاشىپ كەتە المايدى.

وسى كۇنگە دەيىن زاڭسىز يمميگرانتتار ەلدەن كەتەتىنىن سول كۇنى عانا حابارلايتىن. ەندى ولار بۇل تۋرالى كەم دەگەندە بىرنەشە كۇندە حابارلاۋى كەرەك - وسى ۋاقىت ىشىندە تەكسەرۋ جۇرگىزىلەدى.

جاڭا ەرەجەلەر 21 قازاندا كۇشىنە ەنەدى.

مۇنداي شارالار سەۋلدەن بىرنەشە ءجۇز شاقىرىم جەردە ورنالاسقان چانگۆونداعى وقيعادان كەيىن قابىلداندى. قىركۇيەك ايىنىڭ اياعىندا سول جەردە ءبىر بالانى كولىك قاعىپ كەتكەن بولاتىن. اپات ورنىنان قاشىپ كەتكەن كولىك جۇرگىزۋشى 20 جاستاعى قازاقستان ازاماتى ەكەنى بەلگىلى بولدى. كەلەسى كۇنى، بەلگىلى بولعانىنداي، ول ەلدى تاستاپ كەتكەن (سەۋلدىڭ جانىنداعى ينچحون حالىقارالىق اۋەجايىنان ۇشىپ كەتىپتى). باسىنان اۋىر جاراقات العان بالاعا وتا جاسالىپ، ول قازىر اۋرۋحانادا جاتىر.

كەيىننەن قر ءسىم جۇرگىزۋشىنىڭ ءۇشىنشى ەلدىڭ اۋماعىندا ەكەندىگى تۋرالى اقپارات تاراتتى. «ءبىز ءالى دە ىزدەۋدەمىز. جاعدايدى قاداعالاپ وتىرمىز »، - دەدى 30 قىركۇيەكتە اگەنتتىكتىڭ رەسمي وكىلى ايبەك سمادياروۆ.

وڭتۇستىك كورەيا بيلىگى ەگەر ول قازاقستانعا قايتىپ ورالسا، ونى ۇستاپ بەرۋىن سۇرايتىندارىن ايتتى. ەكى ەل اراسىنداعى كەلىسىمگە سايكەس قازاقستان كۇدىكتىنى ۇستاپ بەرۋى ءتيىس.

"ادىرنا" ۇلتتىق پورتالى

پىكىرلەر