اقش پرەزيدەنتى دونالد ترامپ ءۇندىستان مەن پاكىستان اراسىنداعى اتىستى تولىق جانە دەرەۋ توقتاتۋ جونىندە كەلىسىمگە قول جەتكىزىلگەنىن مالىمدەدى، دەپ حابارلايدى “ادىرنا” ۇلتتىق پورتالى BBC-گە سىلتەمە جاساپ.
بۇل جونىندە ترامپ ءوزىنىڭ Truth Social الەۋمەتتىك جەلىسىندەگى پاراقشاسىندا جازدى.
“اقش-تىڭ ارالاسۋىمەن وتكەن ۇزاق كەلىسسوزدەردەن كەيىن ءۇندىستان مەن پاكىستان اتىستى تولىق ءارى دەرەۋ توقتاتۋعا كەلىستى دەپ قۋانا حابارلايمىن”، – دەپ جازدى ول.
الايدا، ترامپ كەلىسىمنىڭ ناقتى مازمۇنى مەن قانداي شارتتارمەن جاسالعانى تۋرالى مالىمەت بەرگەن جوق.
ازىرگە ءۇندىستان مەن پاكىستان بيلىگى بۇل مالىمدەمەگە قاتىستى رەسمي پىكىر بىلدىرمەدى.
ۇقساس جاڭالىقتار
