باشقۇرتستاننىڭ اميروۆو اۋىلىندا سوۆەتتىك ديكتاتور يوسيف ستالينگە ەسكەرتكىش-بيۋست قويىلادى. بۇل تۋرالى ۋفا قالالىق كەڭەسىنىڭ بۇرىنعى دەپۋتاتى جانە باشقۇرتستاننىڭ قۇرىلتايشىسى رۋستام حافيزوۆ ايتتى، دەپ حابارلايدى «ادىرنا» ءتىلشىسى.
بۇعان دەيىن ءبيۋستتى ۇلى وتان سوعىسىندا قازا تاپقاندارعا ارنالعان مەموريالدىڭ جانىنا ورناتۋ ۇسىنىلعان بولاتىن. الايدا بۇعان اۋىل تۇرعىندارى نارازىلىقتارىن ءبىلدىرىپ، قارسى داۋىس ءبىلدىردى.
جەرگىلىكتى تۇرعىن ليايسان يسحاكوۆا ستاليندىك قۋعىن-سۇرگىن، دەپورتاتسيا، ۇجىمداستىرۋ جانە ساياسي قاستاندىقتاردىڭ ميلليونداعان قۇربانىن ۇمىتپاۋعا شاقىردى. داۋىس بەرۋ ناتيجەسىندە ەسكەرتكىش جەكە اۋماقتا ورناتىلاتىن بولدى.
كالينينگراد بيلىگى دە ستالينگە ەسكەرتكىش ورناتۋعا قارسى بولعان ەدى.
ايتا كەتەيىك، جاقىندا ۆولوگدا وبلىسىندا ستالينگە ەكىنشى ەسكەرتكىش اشىلدى. العاشقى ەسكەرتكىشتى ورناتۋعا قارسى جەرگىلىكتى تۇرعىندار ءۇش مىڭعا جۋىق قول جيناعان بولاتىن.
