جەزقازعان قالاسىندا 2023 جىلى قىركۇيەكتە اۋىر قىلمىستىق وقيعا ناتيجەسىندە قازا تاپقان مەدەت يسلامنىڭ ولىمىنە قاتىستى قىلمىستىق ءىس جوعارعى سوتتا قايتا قارالاتىن بولدى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
وقيعا 13 قىركۇيەك كۇنى قالا ورتالىعىندا ورىن العان. 35 جاستاعى مەدەت يسلامعا بىرنەشە جەرىنەن پىشاق سۇعىلىپ، ول سول جەردە كوز جۇمعان. تەرگەۋ بارىسىندا بۇل شابۋىلعا «ارناتوۆتىقتار» دەپ اتالاتىن ۇيىمداسقان قىلمىستىق توپتىڭ 12 مۇشەسى قاتىسقانى انىقتالعان بولاتىن.
الايدا، ءبىر جىلعا سوزىلعان تەرگەۋدەن كەيىن، 2024 جىلدىڭ قازان ايىندا سوت الدىندا تەك 5 ادام جاۋاپقا تارتىلدى. سوت ۇكىمىمەن نەبارى ءۇش ادامعا جازا تاعايىندالدى. قالعان ءۇش كۇدىكتى سوت زالىنان بوساتىلىپ، تاعى التاۋى قىلمىستىق جاۋاپكەرشىلىككە تارتىلماعان.
قوعامدا ۇلكەن رەزونانس تۋدىرعان بۇل ءىس بويىنشا ءباسپاسوز كونفەرەنتسياسىنان كەيىن عانا تەرگەۋ مەن سوت شەشىمىنە نازار اۋدارىلىپ، ءىس جوعارعى سوتقا جولداندى. ەندى بۇل قىلمىستىق ءىس قايتا قارالاتىن بولدى.
ۇقساس جاڭالىقتار
