استانادا بالا ولتىرگەن كۇتۋشى مەن ونىڭ سەرىكتەسىنە ۇكىم شىقتى، دەپ حابارلايدى "ادىرنا".
جاۋاپتى ورگاننىڭ مالىمەتىنشە، بۇل وقيعا بىلتىر ورىن العان. بالا كۇتۋشى مەن ونىڭ سەرىكتەسى كورسەتكەن زورلىقتان ءسابي كوز جۇمعان.
پروكۋراتۋرانىڭ مالىمەتىنشە، كىنالىلەر بالاعا قارسى قاتىگەزدىك قىلمىس جاساعانى ءۇشىن ءوز جازاسىن العان.
"2022 جىلى بالا كۇتۋشى مەن بىرگە تۇراتىن كوڭىلدەس ادامى جاس بالانى فيزيكالىق زورلىق-زومبىلىققا ۇشىراتۋ سالدارىنان ونىڭ ولىمىنە اكەپ سوقتى",-دەلىنگەن ۆەدومستۆو حابارلاماسىندا.
وقيعا ورىن العان ساتتەن-اق جەدەل-تەرگەۋ توبى قۇرىلدى. جەدەل جانە وبەكتيۆتى تەرگەپ-تەكسەرۋ قامتاماسىز ەتىلدى.
«سوتتا مەملەكەتتىك ايىپتاۋشى بۇل تۇلعالاردىڭ كىناسىن دالەلدەيتىن بۇلتارتپاس دالەلدەر كەلتىرىپ، سوت ۇكىمى بويىنشا ولار تيىسىنشە 17 جانە 23 جىلعا باس بوستاندىعىنان ايىرىلدى»، - دەلىنگەن استانا پروكۋراتۋراسىنىڭ حابارلاماسىندا.
ۇكىم قازىر زاڭدى كۇشىنە ەندى.
ۇقساس جاڭالىقتار
