بۇگىن قازاقستانعا ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لام مەملەكەتتىك ساپارمەن كەلدى. ونى پرەزيدەنت قاسىم-جومارت توقاەۆ ەلوردا اۋەجايىندا قارسى الدى، دەپ حابارلايدى «ادىرنا» ءتىلشىسى.
«قۇرمەتتى تو لام مىرزا، ەلىمىزدىڭ استاناسىنا قوش كەلدىڭىز! ءسىزدىڭ ساپارىڭىزدىڭ تاريحي ماڭىزى زور جانە قازاقستان مەن ۆەتنام اراسىنداعى ىقپالداستىقتى كەڭ اۋقىمدا دامىتۋعا تىڭ سەرپىن بەرەدى دەپ سانايمىن. ءسىزدىڭ ەلىڭىزگە جاساعان ساپاردان ۇلكەن اسەرمەن ورالدىم. ۆەتناممەن ءتۇرلى باعىتتاعى بايلانىستى جان-جاقتى نىعايتۋ تۇرعىسىنان جۇمىستى جالعاستىرۋ قاجەت دەگەن ويعا كەلدىم. ەكى ەل ىنتىماقتاستىعىنىڭ الەۋەتى مول»،—دەدى توقاەۆ.
ساپار اياسىندا شاعىن جانە كەڭەيتىلگەن قۇرامدا كەلىسسوزدەر وتەدى. سونداي-اق بىرقاتار ماڭىزدى قۇجاتقا قول قويۋ جوسپارلانعان.
