اقش ماسكەۋدە وتەتىن 9 مامىر – جەڭىس كۇنىنە ارنالعان پارادقا جوعارى لاۋازىمدى وكىلىن جىبەرۋى مۇمكىن. بۇل تۋرالى 1 مامىردا رەسەي قورعانىس مينيسترلىگى مالىمدەدى، دەپ حابارلايدى "ادىرنا" ۇلتتىق پورتالى.
ارنانىڭ مالىمەتىنشە، رەسەي استاناسىنا اقش مەملەكەتتىك حاتشىسى ماركو رۋبيو كەلۋى ىقتيمال. الايدا بۇل اقپارات رەسمي تۇردە ءالى راستالماعان.
قاڭتار ايىندا دونالد ترامپ پرەزيدەنت قىزمەتىنە كىرىسپەي تۇرىپ، اقش-تىڭ جەڭىس پارادىنا «ءىرى» وكىل جىبەرەتىنى جونىندە امەريكالىق باسىلىمدار جازعان بولاتىن. ءتىپتى فرانتسۋزدىڭ Le Point جۋرنالى بۇل دەلەگاتسيانى ترامپتىڭ ءوزى باستاپ بارۋى مۇمكىن دەگەن بولجام ۇسىنعان. الايدا بۇل مالىمەتتى كەيىن كرەمل دە، اق ءۇي دە جوققا شىعاردى.
قازىر اقش دەلەگاتسياسىنىڭ قۇرامىنا قاتىستى ناقتى مالىمەتتەر جاريالانبادى. دەگەنمەن رەسەيلىك اقپارات قۇرالدارى ەكى ەل اراسىنداعى ديپلوماتيالىق قاتىناستاردىڭ بولاشاعى تۇرعىسىنان بۇل ساپاردىڭ ماڭىزدى سيمۆوليكالىق ءمانى بار ەكەنىن اتاپ وتۋدە.
ۇقساس جاڭالىقتار
