يران اسكەري كۇشتەرى اقش-تىڭ سيريانىڭ سولتۇستىك-شىعىسىنداعى حاسەكە پروۆينتسياسىندا ورنالاسقان اسكەري بازاسىنا مينومەتتىك شابۋىل جاسادى. بۇل تۋرالى بۇگىن، 23 ماۋسىمدا يراننىڭ Mehr جانە Fars اگەنتتىكتەرى جازدى، دەپ حابارلايدى «ادىرنا» ءتىلشىسى.
شەتەلدىك باق-تىڭ مالىمەتىنشە، اتىستان كەيىن ايماقتاعى امەريكالىق بولىمشەلەر جوعارى اسكەري دايىندىق رەجيمىنە كوشىرىلگەن. سونداي-اق ستراتەگيالىق نىسانداردا قاۋىپسىزدىك شارالارى ەداۋىر كۇشەيتىلگەن.
الدىن الا مالىمەتتەر بويىنشا، بۇل شابۋىل يراننىڭ اقش-تىڭ يراندىق يادرولىق نىساندارعا جاساعان سوڭعى سوققىلارىنا بەرگەن جاۋابى بولۋى مۇمكىن.
ەسكە سالايىق، بۇعان دەيىن يران اقش-تى حالىقارالىق قۇقىقتى ورەسكەل بۇزدى دەپ ايىپتاعان ەدى.
ۇقساس جاڭالىقتار
