«Şymkent – Astana» reisınıŋ qonuy kezınde ūşaq qūspen soqtyǧysty. Būl aqparatty Scat äue kompaniiasy rastady, dep habarlaidy “Adyrna” ūlttyq portaly.
“Qūstyŋ ūşaqqa soǧyluyna bailanysty äue kemesınıŋ bır bölşegın auystyru qajet boldy. Osyǧan bailanysty «Astana – Şymkent» baǧyty boiynşa ūşuy tiıs jolauşylar üşın uaqytşa kıdırıs tuyndady. Kütu kezeŋınde jolauşylarǧa qonaqüiden ornalastyru ūsynylyp, terminalda tamaqtanu ūiymdastyryldy. Äue kompaniiasy qūstardyŋ qozǧalysyn baqylauǧa ala almaidy. Mūndai jaǧdailarǧa bailanysty reister kestesınıŋ özgeruın tüsınıstıkpen qabyldaularyŋyzdy sūraimyz, deidı kompaniia ökılderı.
Eske salaiyq, būǧan deiın mūndai jaǧdai 14 nauryzda bolǧan edı. «Fukuok-Astana» reisı Şymkent qalasynda qatty qarsy jelge bailanysty janarmai qūiu üşın qonǧan, artynşa ūşaqqa qūs soǧylǧany anyqtaldy.
Ūqsas jaŋalyqtar
