استانادا بالا كۇتۋشىسى ەكى جاسار بالانى ءولتىردى، دەپ حابارلايدى "ادىرنا" ۇلتتىق پورتالى.
قايعىلى وقيعا 20 ماۋسىمدا بولعان. الەۋمەتتىك جەلىدەگى بەيرەسمي دەرەككە سۇيەنسەك، استانادا بالا كۇتۋشىسى كىشكەنتاي بالانى بۋىندىرىپ ولتىرگەن. ونىڭ دەنەسىن اناسى تاۋىپ العان.
بۇل دەرەكتى استانا قالالىق پوليتسيا دەپارتامەنتى راستادى.
24 جاستاعى ايەل بالاسىمەن ەلورداداعى ماسكەۋ كوشەسىندەگى جالدامالى پاتەردە تۇرعان. بالانىڭ دەنەسىنەن تۇنشىقتىرۋ ىزدەرى بايقالعان. كۇدىكتى رەتىندە 38 جاستاعى بالا كۇتۋشىسى ۇستالدى.
قىلمىستىق كودەكستىڭ 106-بابى 3-بولىگى «دەنساۋلىققا قاساقانا اۋىر زيان كەلتىرۋ ارقىلى ءولتىرىپ الۋ» بويىنشا ءىس قوزعالدى.
ايەلدىڭ ارەكەتى دالەلدەنسە كۇتۋشى 8 جىلدان 12 جىلعا دەيىن باس بوستاندىعىنان ايىرىلۋى مۇمكىن.
