قازاقستان ازاماتتارى قاي ەتنوستىڭ، قايسى كونفەسسيانىڭ وكىلى بولعانىنا قاراماستان، زاڭ الدىندا بىردەي جاۋاپكەرشىلىككە يە، ءارى تەڭقۇقىلى. ءاربىر ازامات ءوزىنىڭ زاڭ الدىنداعى مىندەتتەرىن بۇلجىتپاي ورىنداۋى ءتيىس. مەملەكەت باسشىسى قاسىم-جومارت توقاەۆ ۇسىنىپ وتىرعان زاڭ جانە ءتارتىپ قاعيداتى تەك جەكەلەگەن ازاماتتاردىڭ قۇقىعىن قورعاۋعا عانا ەمەس، كوپەتنوستى قازاقستان حالقىنىڭ ىنتىماعى مەن بىرلىگىن ساقتاۋعا دا مۇمكىندىك بەرەدى.
بۇگىن 1 مامىر – قازاقستان حالقىنىڭ بىرلىگى كۇنىنە وراي شىمكەنت قالاسىندا وتكەن “بىرلىك مارافونىندا” شىمكەنت قالالىق پروكۋراتۋراسىنىڭ باسقارما باستىعى باقىتجان بايعازيەۆ وسىلاي دەدى.
مۇنداي ءىس-شارانىڭ ەل حالقىن بىرلىككە ۇيىستىرۋداعى ماڭىزى ەرەكشە. ماسەلەن بۇگىنگى مارافون دا قازاقستان حالقى اسسامبلەياسىنىڭ 30 جىلدىعىنا ورايلاستىرىلعان. ەل كولەمىندە ءبىر مەزگىلدە وتكىزىلگەن بۇل كەڭ كولەمدى دەنە شىنىقتىرۋ اكتسياسى بارلىق ايماقتاعى حالىقتى ورتاق مۇددە توڭىرەگىندە بىرىكتىردى.
قالالىق مارافون اسانباي اسقاروۆ اتىنداعى دەندروساياباقتا ۇيىمداستىرىلىپ، تاڭعى التىدان باستاپ مىڭداعان تۇرعىندى جينادى.
ءىس-شاراعا شىمكەنت قالاسىنىڭ تۇرعىندارى مەن قوناقتارى، زەينەتكەرلەر، مەكتەپ وقۋشىلارى، ستۋدەنتتەر، سپورتشىلار، جاس انالار مەن كىشكەنتاي بۇلدىرشىندەر دە قاتىستى. 1500-دەن استام ادام تاڭعى ساعات 7-دە تىركەلىپ، ورتالىق ساياباقتار مەن ارنايى بەلگىلەنگەن كوشەلەر بويىمەن بىرگە جۇگىردى.
بۇل كورىنىس – قالا تۇرعىندارىنىڭ سالاۋاتتى ءومىر سالتىنا دەگەن قىزىعۋشىلىعىنىڭ ارتقانىن ايعاقتايدى.
شىمكەنت قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى ماراتبەك مىقتىبەكوۆ بۇل باستامانىڭ ماڭىزدىلىعىنا توقتالىپ، سوڭعى جىلدارى قالا تۇرعىندارى اراسىندا سپورتقا دەگەن ىقىلاستىڭ ارتىپ كەلە جاتقانىن اتاپ ءوتتى. ونىڭ ايتۋىنشا، قالادا جاڭا ۆەلوجولدار مەن جاياۋ جۇگىرۋگە ارنالعان جولاقتار اشىلىپ، تۇرعىندارعا كۇندەلىكتى سپورتپەن شۇعىلدانۋعا قولايلى جاعداي جاسالعان. سونىمەن قاتار، كۇن سايىن تاڭعى 6-دان 9-عا دەيىن قالانىڭ ءتۇرلى ساياباعىندا تەگىن جاتتىعۋ ساباقتارى وتكىزىلەدى. بۇل باستامالارعا جۇزدەگەن تۇرعىندار تۇراقتى تۇردە قاتىسىپ كەلەدى.
شارا بارىسىندا ءسوز العان باسقارما باسقارما باسشىسى مارافوننىڭ تەك سپورتتىق ەمەس، ەل بىرلىگىن، ىنتىماعىن دارىپتەيتىن ايرىقشا ءمانى بار ءىس-شارا ەكەنىن اتاپ ءوتتى.
بۇگىنگى «بىرلىك مارافونى” – قازاقستان حالقىنىڭ ىنتىماعى مەن تاتۋلىعىن دارىپتەيتىن ەرەكشە ءىس-شارا. ءبىز مۇنداي مارافونداردى تۇراقتى نەگىزدە وتكىزۋدى جوسپارلاپ وتىرمىز. قازىر شىمكەنت قالاسىندا جىل سايىن ەكى رەت مارافون جانە ەكى ۆەلومارافون ۇيىمداستىرىلادى. بولاشاقتا بۇقارالىق سپورتتىق شارالاردى اي سايىن وتكىزۋ كوزدەلىپ وتىر»، — دەدى ول.
ونىڭ ايتۋىنشا، جىل سايىن كۇز مەزگىلىندە وتەتىن شىمكەنت مارافونى – قالانىڭ ەڭ ءىرى سپورتتىق شارالارىنىڭ ءبىرى. وعان 5 مىڭنان استام اۋەسقوي جانە كاسىبي جۇگىرۋشىلەر قاتىسادى، سونىڭ ىشىندە شەتەلدەن كەلەتىن سپورتشىلار دا بار. قالا اكىمدىگى بۇل مارافوندى حالىقارالىق دەڭگەيگە شىعارۋ باعىتىندا اۋقىمدى جۇمىستار جۇرگىزىپ جاتقانىن جەتكىزدى.
