Qazaqstan azamattary qai etnostyŋ, qaisy konfessiianyŋ ökılı bolǧanyna qaramastan, zaŋ aldynda bırdei jauapkerşılıkke ie, ärı teŋqūqyly. Ärbır azamat özınıŋ zaŋ aldyndaǧy mındetterın būljytpai oryndauy tiıs. Memleket basşysy Qasym-Jomart Toqaev ūsynyp otyrǧan zaŋ jäne tärtıp qaǧidaty tek jekelegen azamattardyŋ qūqyǧyn qorǧauǧa ǧana emes, köpetnosty Qazaqstan halqynyŋ yntymaǧy men bırlıgın saqtauǧa da mümkındık beredı.
Bügın 1 mamyr – Qazaqstan halqynyŋ bırlıgı künıne orai Şymkent qalasynda ötken “Bırlık marafonynda” Şymkent qalalyq prokuraturasynyŋ basqarma bastyǧy Baqytjan Baiǧaziev osylai dedı.
Mūndai ıs-şaranyŋ el halqyn bırlıkke ūiystyrudaǧy maŋyzy erekşe. Mäselen bügıngı marafon da Qazaqstan halqy Assambleiasynyŋ 30 jyldyǧyna orailastyrylǧan. El kölemınde bır mezgılde ötkızılgen būl keŋ kölemdı dene şynyqtyru aksiiasy barlyq aimaqtaǧy halyqty ortaq müdde töŋıregınde bırıktırdı.
Qalalyq marafon Asanbai Asqarov atyndaǧy dendrosaiabaqta ūiymdastyrylyp, taŋǧy altydan bastap myŋdaǧan tūrǧyndy jinady.
Is-şaraǧa Şymkent qalasynyŋ tūrǧyndary men qonaqtary, zeinetkerler, mektep oquşylary, studentter, sportşylar, jas analar men kışkentai büldırşınder de qatysty. 1500-den astam adam taŋǧy saǧat 7-de tırkelıp, ortalyq saiabaqtar men arnaiy belgılengen köşeler boiymen bırge jügırdı.
Būl körınıs – qala tūrǧyndarynyŋ salauatty ömır saltyna degen qyzyǧuşylyǧynyŋ artqanyn aiǧaqtaidy.
Şymkent qalasynyŋ dene şynyqtyru jäne sport basqarmasynyŋ basşysy Maratbek Myqtybekov būl bastamanyŋ maŋyzdylyǧyna toqtalyp, soŋǧy jyldary qala tūrǧyndary arasynda sportqa degen yqylastyŋ artyp kele jatqanyn atap öttı. Onyŋ aituynşa, qalada jaŋa velojoldar men jaiau jügıruge arnalǧan jolaqtar aşylyp, tūrǧyndarǧa kündelıktı sportpen şūǧyldanuǧa qolaily jaǧdai jasalǧan. Sonymen qatar, kün saiyn taŋǧy 6-dan 9-ǧa deiın qalanyŋ türlı saiabaǧynda tegın jattyǧu sabaqtary ötkızıledı. Būl bastamalarǧa jüzdegen tūrǧyndar tūraqty türde qatysyp keledı.
Şara barysynda söz alǧan basqarma basqarma basşysy marafonnyŋ tek sporttyq emes, el bırlıgın, yntymaǧyn därıpteitın airyqşa mänı bar ıs-şara ekenın atap öttı.
Bügıngı «Bırlık marafony” – Qazaqstan halqynyŋ yntymaǧy men tatulyǧyn därıpteitın erekşe ıs-şara. Bız mūndai marafondardy tūraqty negızde ötkızudı josparlap otyrmyz. Qazır Şymkent qalasynda jyl saiyn ekı ret marafon jäne ekı velomarafon ūiymdastyrylady. Bolaşaqta būqaralyq sporttyq şaralardy ai saiyn ötkızu közdelıp otyr», — dedı ol.
Onyŋ aituynşa, jyl saiyn küz mezgılınde ötetın Şymkent marafony – qalanyŋ eŋ ırı sporttyq şaralarynyŋ bırı. Oǧan 5 myŋnan astam äuesqoi jäne käsıbi jügıruşıler qatysady, sonyŋ ışınde şetelden keletın sportşylar da bar. Qala äkımdıgı būl marafondy halyqaralyq deŋgeige şyǧaru baǧytynda auqymdy jūmystar jürgızıp jatqanyn jetkızdı.
