ورال قالالىق سوتىنىڭ بۇرىنعى توراعاسى رۋسلان جۇماعۇلوۆتىڭ ءىسى بويىنشا سوت پروتسەسى 5 مامىردا باستالادى، دەپ حابارلايدى "ادىرنا" ۇلتتىق پورتالى.
2023 جىلعى قاراشادا رۋسلان جۇماعۇلوۆ تەرگەۋ ورگاندارىنىڭ وتىنىشىمەن قاماۋعا الىنعان ەدى. وعان قاتىستى قىلمىستىق ءىستى ۇلتتىق قاۋىپسىزدىك كوميتەتى جۇرگىزىپ جاتىر. تەرگەۋ ماتەريالدارىنا سايكەس، سوت توراعاسى ەكى ادۆوكاتپەن بىرگە 1,5 ميلليون تەڭگە كولەمىندە پارا العان دەگەن كۇدىككە ىلىنگەن.
2023 جىلعى 6 قاراشادا استاناداعى تەرگەۋ سوتى جۇماعۇلوۆتى 10 تاۋلىككە قاماۋعا الۋ تۋرالى سانكتسيا بەرگەن بولاتىن. كەيىن بۇل ءىس بويىنشا تەرگەۋ جالعاسىپ، رەسمي تۇردە قىلمىستىق ءىس قوزعالعانى راستالدى.
جەرگىلىكتى اقپارات قۇرالدارىنىڭ حابارلاۋىنشا، ءىس بارىسىندا جۇماعۇلوۆپەن قاتار ەكى ادۆوكات تا ۇستالعان. سوت وتىرىسى 5 مامىردا وتەدى دەپ جوسپارلانىپ وتىر.
