21 اقپاندا استانادا جولاۋشىلار اۆتوبۋسى باعاناعا سوعىلىپ، 15 ادام اۋرۋحاناعا جەتكىزىلدى، دەپ حابارلايدى "ادىرنا" ۇلتتىق پورتالى.
قالالىق دەنساۋلىق ساقتاۋ باسقارماسىنىڭ مالىمەتىنشە، سەگىز ادام جەڭىل جاراقات الىپ، دارىگەرلىك تەكسەرىستەن كەيىن ۇيلەرىنە جىبەرىلدى. ال جەتى ادام اۋرۋحانادا قالدى، ونىڭ تورتەۋىنە شۇعىل حيرۋرگيالىق وپەراتسيا جاسالدى.
دارىگەرلەر ناۋقاستاردىڭ جاعدايىن باقىلاۋدا ۇستاپ، قاجەتتى مەديتسينالىق كومەك كورسەتۋدە.
جول-كولىك وقيعاسى كەزىندە اۆتوبۋستا 25 جولاۋشى بولعان. اپاتتىڭ سەبەپتەرى انىقتالىپ، ءتيىستى تەكسەرۋ جۇمىستارى جۇرگىزىلىپ جاتىر.
قازىرگى تاڭدا جول اپاتى تۇسىرىلگەن بەينە جەلىدە تاراپ كەتتى.
